O popular xogo para dispositivos móbiles, con máis de dous millóns de usuarios en todo o planeta e dispoñible en doce linguas, entre elas o catalán e o euskera, podería ter en versión en galego en breve, pois o fabricante, Etermax, atópase en contacto coa Real Academia Galega, segundo publicou a revista especializada Código Cero.
Hai dous meses mesmo se creou un grupo en Facebook con esta demanda, xusto despois de que Apalabrados confirmase o nacemento da súa versión en catalán.
O fabricante, Etermax, atópase en contacto coa Real Academia Galega
Apalabrados estase a converter nun fenómeno global, seguindo o ronsel de outros como Angry Birds, unha das aplicacións máis descargadas nos dispositivos móbiles: ipads, tablets e smartphones. É moi semellante ao clásico Scrabble (trátase de formar, sobre un taboleiro, palabras cunhas determinadas letras, e obtendo puntos extra en determinadas casillas) coa novidade de que permite o xogo multixogador online, podendo xogar cun amigo, a través do facebook ou escollendo un opoñente ao chou en calquera lugar do mundo.
