Un grupo de amigos lanzou esta fin de semana un globo de helio á estratosfera dende Vigo. O artefacto chegou até os 31.000 metros, onde estoupou. Pero antes deixou varios minutos de imaxes impresionantes.
O globo, que subiu a unha velocidade de entre 4 e 5 metros por segundo, levaba incorporada unha cámara e dous GPS que enviaban a informacion da posición a través de mensaxes SMS e de 3G.
A cámara apagouse un pouco antes do estoupido do globo, ao quedar sen baterias. E a sonda foi recuperada horas despois a 160 quilómetros de Vigo, preto da localidade portuguesa de Pinheiro Novo.