0 Gardados para despois

A non perder!

Montse DopicoMontse Dopico | @montsedopico


Concerto na Escola de Altos Estudos Musicais

A Escola de Altos Estudos Musicais (EAEM) ten en marcha a iniciativa "A Escola na Cidade", un ciclo de concertos de música de cámara interpretados polos alumnos do Curso Avanzado de Especialización Orquestral do centro. As entradas destas actuacións son gratuítas ata completar o aforo. No marco deste programa, o martes, 28 de marzo, ás 20:30 horas, os rapaces ofrecerán un concerto no Paraninfo da Universidade de Santiago, na facultade de Xeografía e Historia, explica a organización nunha nota de prensa.

En primeiro lugar actuará un cuarteto de corda, integrado por dúas violinistas, unha viola e un violoncello. Interpretarán o Cuarteto nº 8 do compositor ruso Dmitri Shostakóvich. A continuación tocará un quinteto de vento, composto por unha frautista, unha oboísta, unha clarinetista, unha fagotista e un trompista. Achegarán ao público tres obras: o Quinteto nº 2 de Franz Danzi, Seis bagatelas de György Ligeti e, por último, Kleine Kammermusik nº 2 de Paul Hindemith.

 

 

Coa túa achega fas posible que sigamos publicando novas coma esta.