A edición 2017 das Meninas de Ferrol pechouse este domingo cun incontestable éxito de público e tamén de promoción para a cidade, o evento e para o barrio de Canido. Docenas de murais foron pintados e algúns máis -previamente existentes- repintados ou completados, mentres soaban concertos e se desenvolvían outras actividades coma o mercado de arte Mercalegre ou photowalks que contribuíron a inmortalizar e difundir polas redes sociais as rúas da cidade naval.
Non apareceu Banksy mais a súa mención serviu para catapultar nos medios de todo o Estado esta celebración da arte urbana que está preto de facer unha década. Houbo creacións para todos os gustos e en distintos formatos de arte plástica e visual; dende o mural dedicado ás xogadoras do Universitario Ferrol (terceiras o pasado ano na Liga Feminina de baloncesto e pregoeiras das festas) ata a celebrada obra de dúas meninas bicándose que ocupou unha das medianeiras do barrio. Ao final Banksy non pasou por Canido, pero como dirían os Radio Océano (que actuaron o domingo) "nin falta que fai".
Meninas de Canido 2017
-
-
A 'Menina' dedicada ás xogadoras de baloncesto do Star Center Uni Ferrol -
-
-
-
-
-
-
-
-
-
-
-
-
-
-
Participantes nun dos photowalks organizados -
Un dos concertos organizados nesta edición -
Mercado de Mercalegre -
Mercado de Mercalegre
