0 Gardados para despois

Granell tamén era músico

Redacción | @prazapublica

Eugenio Granell tamén era músico. O xenial creador surrealista traballou en case todos os campos da arte e o da música, a pesar de ser unha das súas facetas menos coñecidas, destaca pola súa calidade. Granell foi primeiro violín na Sinfónica de Santo Domingo e tamén se dedicou á critica musical. Deses anos de traballo deixou un feixe de partituras que veñen de ser adaptadas por un proxecto musical creado ao abeiro da Central Folque. Ramóm Pinheiro dirixiu durante anos este traballo, no que o piano de Alejandro Vargas leva o peso musical. José Manuel Díaz (contrabaixo), LAR Legido (percusión), Mónica de Nut (voz), Germán Díaz (zanfona), Edelmiro Fernández (gaita) e María Xosé Pampano (viola) completan a formación.

O resultado é un libro-disco titulado Miniaturas musicais de Eugenio Granell. Música revelada, no que as notas escritas por Granell toman un camiño de free-jazz. O volume inclúe un CD e dous libros, un coa transcrición das partituras e outro cun estudo crítico da dimensión musical de Granell.O libro presentarase este mércores pola tarde na Fundación Granell en Santiago de Compostela a partir das 19.30 horas, xusto no día do centenario do seu nacemento. E tamén no Culturgal, o sábado onde de 17 a 18 horas, onde os responsables do proxecto estarán asinando exemplares no stand de Inquedanzas, a distribuidora. 

Pola súa banda, o disco presentarase o domingo ás 19 horas na Cidade da Cultura, onde os músicos interpretarán as obras que adaptaron.

Galega cantando

Trapecista sentado

Coa túa achega fas posible que sigamos publicando novas coma esta.