Este mércores preséntase en Compostela a primeira novela de Tomás González Ahola, Galiza Mutante: Poder Nuclear!, editada conxuntamente entre Urco editora e Contos Estraños editora. Trátase dunha trama postapocalíptica ambientada nunha Galicia que rexorde moitos anos despois dun cataclismo, onde non falta o humor e a sátira social. A presentación terá lugar ás 19:30 no Centro Sociocultural O Ensanche.
No libro O Pastor, Rocho, Holifoz e Costenla, catro mutantes acabados de chegar a Cmph'sthulhu, "terán que enfrontarse aos máis estraños perigos na que será a aventura da súa vida, na que se cruzarán cos máis variopintos personaxes, como o capitán Xacho-beu, os Sete Bispos Mutantes e outros moitos enxendros nacidos deste novo e delirante mundo".
