Unha ducia de edicións dos Mestre Mateo
A Coruña acolle este sábado pola noite (TVG, 22 horas) a 13ª edición da gala dos premios do audiovisual galego. Temos, pois, unha ducia de edicións ás nosas costas, doce anos de cinema, televisión e series feitas en Galicia que nos permiten facer un percorrido polas obras que marcaron a última década, e os seus autores e autoras, actores, actrices e equipo técnico. Dende Os luns ó sol ou As leis de Celavella á gañadora do pasado ano, Somos xente honrada, ou ás favoritas desta fin de semana: A Esmorga, Os Fenómenos ou Serramoura
-
01
Edición 2003
A gala de entrega dos I premios Mestre Mateo, sucesores dos premios Chano Piñeiro, deixou tres títulos vencedores: Entre bateas, de Jorge Coira, que recolleu 10 galardóns; Os luns ó sol, que recibiu 3, os mesmos que a serie Terra de Miranda. Luís Tosar e María Bouzas levaron os premios ao mellor actor e actriz. Os luns ó sol foi recoñecido como mellor longametraxe
-
02
Edición 2004
Compostela acolleu en xuño de 2004 a gala de entrega da segunda edición dos Mestre Mateo. Trece badaladas (Xavier Villaverde) e O lapis do carpinteiro (Juan Gordón e Antón Reixa) compartiron o premio á mellor película. Carlos Amil (Blanca Madison) foi o mellor director e Luís Tosar e Eva Fernández (As Leis de Celavella) levaron os galardóns á mellor interpretación.
-
03
Edición 2005
Vigo acolleu a gala dos Premios Mestre Mateo 2004. O ano da carracha, de Jorge Coira, foi a gañadora da cerimonia, cun total de oito galardóns. O propio Coira foi elixido mellor director e Javier Veiga (O ano da carracha) e Marta Etura (A vida que che espera) foron os mellores actores e actrices.
-
04
Edición 2006
Os Premios Mestre Mateo 2005 regresaron á Coruña. A produción máis votada foi a serie da TVG As leis de Celavella, que levou entre outros premios o de mellor director (Jorge Coira e Carlos Sedes). A mellor longametraxe foi León e Olvido; Fernando Fernán Gómez foi o mellor actor grazas a Para que non me esquezas e Marta Larralde a mellor actriz por León e Olvido.
-
05
Edición 2007
A Coruña acolleu a gala dos Mestre Mateo deste ano, na que a longametraxe Un franco, 14 pesetas foi a produción máis votada, facéndose co premio á mellor película. Carlos Iglesias (Un franco, 14 pesetas) e Miguelanxo Prado (De profundis) compartiron o premio á mellor dirección e Luis Tosar (Cargo) e Isabel Blanco (Un franco, 14 pesetas) foron os mellores intérpretes
-
06
Edición 2008
Os Mestre Mateo correspondentes a 2007 celebráronse o 15 de abril de 2008 no Teatro Jofre de Ferrol. O neno de barro foi elixida mellor película e o seu director, Jorge Algora, foi recoñecido como o mellor realizador. María Bouzas (Unha muller invisible) e Chete Lera (O neno de barro) foron os mellores actriz e actor, respectivamente
-
07
Edición 2009
Pontevedra foi o escenario da gala dos Premios Mestre Mateo correspondentes ao ano 2008. Os mortos van á présa foi a mellor película, Alfonso Zarauza (A noite que deixou de chover) o mellor director, Chete Lera (Os mortos van á présa) o mellor actor e Tamara Canosa (Pradolongo) a mellor actriz.
-
08
Edición 2010
Neste ano os Premios Mestre Mateo celebráronse en Narón. Celda 211 foi a mellor longametraxe e Daniel Monzón foi votado como mellor director e Luís Tosar como mellor actor por este filme. O premio á mellor actriz foi para María Vázquez (O club da calceta)
-
09
Edición 2011
Ourense acolleu a gala dos Mestre Mateo neste ano. 18 comidas, de Jorge Coira, foi a mellor longametraxe e o propio Coira o mellor director. Miguel de Lira (Crebinsky) e María Vázquez (Mar libre)
-
10
Edición 2012
Os Mestre Mateo deste ano regresaron á Coruña, nunha gala titulada Crise, que crise? debido ás dificultades engadidas que estaban a sufrir as industrias audiovisuais galegas. Doentes, de Gustavo Balza, foi a mellor película; Sandra Sánchez (Tralas luces), a mellor directora; Antonio Durán "Morris" (Doentes) o mellor actor; e Susana Dans (Emilia Pardo Bazán, a condesa rebelde), a mellor actriz
-
11
Edición 2013
Neste ano O Apóstolo foi elixido como mellor filme e o seu responsable, Fernando Cortizo, como mellor director. As mellores interpretacións foron as de Luís Tosar (Operación E) e Sabela Arán (Vilamor)
-
12
Edición 2014
A última gala dos Mestre Mateo, celebrada tamén na Coruña, recoñeceu a Somos xente honrada como mellor filme e ao seu director, Alejandro Marzoa, como mellor realizador. Isabel Blanco (Todos os santos) e Miguel de Lira (Somos xente honrada) foron os mellores intérpretes