Unha ducia de plans ata as próximas eleccións
As xornadas de reflexión e votación desta fin de semana son un bo momento para planificar o outono que vén de comezar. Á espera de saber se a estación rematará en decembro cuns novos comicios, os terceiros xerais, sexan o día de Nadal ou a fin de semana anterior, aquí vai unha ducia de ideas. E aquí, moitas máis.
-
01A vendima
A primeira das grandes tarefas agrarias do outono xa está en marcha: a vendima.
-
02Outono gastronómico
Desde o pasado 16 de setembro e ata o 18 de decembro desenvólvese a décima edición desta iniciativa enogastronómica na que participan 92 casas de turismo rural de toda Galicia.
-
03Romaría de San Cosme e San Damián
A festividade é o luns 26, pero xa este domingo comezará a romaría máis enxebre de Baiona, que enche de produtos tradicionais a contorna da igrexa de Santa Liberata.
-
04San Froilán
Desde o 4 ao 12 de outubro Lugo será a capital do polbo e a troula coas festas de San Froilán.
-
0512 de outubro
O mércores festivo en metade da semana fai difícil construír unha ponte, pero haberá que ir pensando se acudir ao tradicional desfile das Forzas Armadas ou inventar un plan alternativo ;)
-
06As San Lucas de Mondoñedo
Sexa pola feira, sexa pola festa, As San Lucas de Mondoñedo, co 18 de outubro como día grande, son unha das escusas festivas do outono.
-
07Magostos
Como se van celebrar centos por toda Galicia en diversas datas, este plan é un bo comodín para calquera día libre do outono.
-
08Samaín e Día de Todos os Santos
Para quen necesite máis larpeiradas que as castañas, o 1 de novembro ofrécenos unha boa escusa.
-
09Veranciño de San Martiño
Din que polo 11 de novembro adoita haber tempo solleiro antes de introducirnos de todo no inverno. Aproveitémolo.
-
10A matanza
Logo de encher as pipas de viño coa vendima, chega o momento do outono de aprovisionarse tamén de comida para aguantar o inverno.
-
11Unha semana de ponte
O 6 de decembro cae este ano en martes e o 8 en xoves. Malo será non poder facer algunha ponte... ou todas.
-
12Nadal novamente electoral
Á espera do que poida pasar coas negociacións tanto para formar goberno como para adiantar unha semana a data duns posibles terceiros comicios xerais, hai que ir reservando as datas do 18 e o 25 de decembro por se hai que volver votar, xa non de curto, como en xuño, senón ben abrigados, como un ano antes.