Unha ducia de temas de Franco Battiato (porque nunca sobran)

Franco Battiato xa pasou das sete décadas de vida pero é moderno. Como o era nos 70, nos 80 ou nos 90 do século pasado e como o seguirá sendo cando pase ao alén -en caso de que iso suceda-. Despois de encher o auditorio Mar de Vigo hai menos de dous anos o artista siciliano regresa este 24 de xullo a Galicia co seu espectáculo sinxelo e súa música total; o seu concerto na Coruña (Palexco, 22:00) é unha escusa tan boa como outra calquera para percorrermos doce temas dun repertorio inmenso en todos os sentidos. (Peza publicada orixinalmente o 20 de xullo de 2017)