Unha ducia de transformacións peonís
Unha enquisa feita pública nos últimos días revela que a restrición de coches no centro das cidades ten en Galicia un apoio do 80%, o maior de todo o Estado. Repasamos unha ducia de experiencias de recuperación de cidades e vilas para os peóns e outro tipo de mobilidades alternativas como as bicicletas.
-
01
Pontevedra
Pode que non fose a primeira cidade ou vila galega en apostar pola mobilidade peonil, pero é a que máis desenvolveu ese modelo e máis recoñecemento internacional está a ter.
-
02
Vigo
A principios de século, cando só a rúa do Príncipe era peonil, a reforma da praza da Independencia de Vigo suscitou un forte debate gañado polos partidarios da súa peonalización, o que supuxo o inicio da extensión dese modelo polo resto da cidade. A loita actual é pola mellora da mobilidade en bicicleta.
-
03
-
04
Santiago
O gran casco vello de Santiago é peonil pero cun importante tráfico de vehículos de servizos, taxis e subministros para a hostalería derivados da súa gran afluencia de turistas.
-
05
Ferrol
O pasado setembro Ferrol ensaiou unha peonalización de todo o seu centro histórico co gallo do día sen coches.
-
06
Lugo
Lugo, con gran parte do interior da súa muralla xa peonil, é outra das cidades que pensa xa no seguinte paso de mellorar a mobilidade en bicicleta.
-
07
Ourense
Ademais da clásica rúa do Paseo, son moitos os espazos da cidade de Ourense peonalizados nos últimos anos.
-
08
O Morrazo
As restricións aos coches e a potenciación da mobilidade peonil e ciclista non é algo só das cidades senón que se vén estendendo por vilas galegas de todos os tamaños. No Morrazo, a Deputación proxecta unir Cangas e Moaña co que define como a rúa peonil máis longa de Galicia.
-
09
Baiona
Os cascos históricos de moitas vilas galegas xa hai anos que eran relativamente peonís, pero nos últimos tempos esas actuacións estanse estendendo a outros ámbitos próximos, como en Baiona ocorreu coa rúa Carabela Pinta, unha das súas arterias principais.
-
10
Allariz
O de Allariz é outro dos cascos históricos nos que é difícil saber se a peonalización foi da man da súa revitalización, ou se foi á inversa.
-
11
Ribadeo
O centro de Ribadeo tamén transformou en rúas peonís varios dos seus accesos recuperándoos para o uso cidadá.
-
12
Lalín
O Concello de Lalín leva un tempo convencendo á súa cidadanía das vantaxes da mobilidade peonil cortando ao tráfico en fins de semana rúas polas que habitualmente circulan vehículos.