Históricas manifestacións contra a reforma laboral

Imaxe panorámica da manifestación de CCOO e UGT na Coruña © Daniel Candal

Os sindicatos falan de mobilizacións "históricas", con centos de milleiros de galegos e galegas nas rúas. As estimacións sumadas das centrais convocantes falan de 200 mil persoas en Vigo, 100 mil na Coruña, 40 mil en Compostela, 40 mil en Ferrol, 25 mil en Pontevedra, 15 mil en Ourense, 15 mil en Lugo ou 8 mil en Vilagarcía. Cifras que as policías locais de cada cidade rebaixan, pero que seguen sendo elevadas e por exemplo en Vigo o Concello ofrece unha cifra total de 105 mil manifestantes, e na Coruña o cómputo oficial é de 60 mil persoas. 

Máis aló da guerra de cifras, a participación rebordou as expectativas e foi moi superior á rexistrada nas mobilizacións laborais da última década. Non en van, dende primeira hora da mañá a referencia deixou de ser a folga xeral de 2010 e as centrais sindicais comezaron a poñer a vista na de 2002, contra o decretazo de José María Aznar. Nas rúas e prazas houbo ambiente de festa e de primavera das persoas. Por poñer un exemplo, nas manifestacións que tiveron lugar o 29 de setembro de 2010, nunha folga convocada por todos os sindicatos, como esta, a asistencia ás marchas foi importantes, pero moito máis reducida. Daquela, os sindicatos falaban de 125 mil manifestantes en Vigo, por exemplo, ou de 50 mil na Coruña, cifras rebaixadas á metada polos respectivos concellos.

(ESTAMOS TRABALLANDO NA AMPLIACIÓN DESTA NOVA. EN BREVE TEREDES CRÓNICAS DAS MANIFESTACIÓNS, MÁIS FOTOS E POLA NOITE, VIDEOS)

A manifestación de CC.OO. e UGT en Vigo Dominio Público Praza Pública
Vigo Dominio Público Praza Pública

Grazas ás socias e socios editamos un xornal plural

As socias e socios de Praza.gal son esenciais para editarmos cada día un xornal plural. Dende moi pouco a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas.