Tamén houbo manifestación do naval. Ademais da manifestación estudantil en varias cidades e vilas de Galicia e das concentracións de profesionais médicos nos centros hospitalarios, uns 2.000 traballadores manifestáronse este xoves polas rúas de Vigo en defensa do sector e "polo futuro industrial" da zona, nunha xornada que coincidía cunha folga parcial e que pretende ser o anticipio da gran manifestación que os sindicatos CIG, CCOO e UGT convocaron para este sábado.
CIG, CCOO e UGT piden o apoio da cidadanía na manifestación do vindeiro sábado
A manifestación percorreu varias rúas da cidade, desde o cruce de Colón e Policarpo Sanz e até o edificio da Xunta. Alí, os representantes sindicais pediron á cidadanía que apoie e participe na concentración do sábado (19 horas) para que Vigo sexa "un clamor" na loita polo sector naval da comarca.
Ramón Sarmiento, voceiro de CCOO, censurou a actitude da Xunta porque Feijóo "non quere saber nada dos problemas" do sector. Diego Atanes, representante de UGT, tamén criticou con dureza o Goberno galego e o conselleiro de Industria, Javier Guerra, aos que culpou da crise do naval pola súa "incompetencia" e "fala de compromiso".
Do mesmo xeito, o representante de UXT, Diego Atanes, criticou duramente a Feijóo e ao conselleiro de Industria, Javier Guerra, a quen sinalou como "culpables" da crise do naval pola súa "incompetencia" e a súa "falta de compromiso" co sector. "A Xunta arranxa os problemas dando millóns do diñeiro público ás empresas, unha por unha, e facéndose fotos nos estaleiros, cando o que o naval necesita é unha solución global", reclamou.
Os tres sindicatos censura o Goberno galego pola súa "incompetencia e falta de compromiso" ante os problemas do sector naval
César Rodríguez, voceiro da CIG, non se centrou só na Xunta, senón tamén no Goberno central, "que leva catro meses facendo o mesmo que o anterior". "Temos que dar un paso adiante, só depende de nós", subliñou, á vez que pediu aos traballadores "non ser menos" que aqueles que loitaron polo emprego no sector durante a reconversión dos anos 80.
Os tres sindicatos agardan o vindeiro sábado unha resposta masiva na manifestación convocada en Vigo, e que coincidirá coas protestas do movemento 15M, que volve á rúa a nivel mundial e que tamén terá un punto importante de mobilización na cidade olívica.