O Cineclube de Compostela proxecta esta noite Ciutat Morta, nunha sesión que contará coa presenza de Xavier Artigas, un dos seus directores. O filme proxectarase este xoves no CSOA Escárnio e Maldizer, tamén en Santiago.
Fálase
Genbeta relata a historia de Anita Sarkeesian, unha blogueira norteamericana que leva anos recibindo insultos e acoso virtual tras lanzar unha webserie que analizaba e criticaba o papel da muller no mundo dos videoxogos. Na actualidade prepara dúas novas webseries centradas no mesmo tema.
Dous dos galegos con tarxetas black de Caja Madrid, entre os 78 imputados polo xuíz Andreu polo uso destes cartóns de crédito opacos. Está a contalo El Diario
A produción editorial galega creceu o pasado ano, segundo os datos do ISBN, pasando de 2.083 títulos a 2.274, en contraste cun descenso no conxunto de España. Creceu, sobre todo, o número de libros publicados en Galicia en formato dixital, dende as 208 obras ás 483
Só 4 familias galegas solicitan que se lles pague ensino en castelán en centros privados con fondos públicos, posibilidade que ofrece a Lei Wert. Recólleo Faro de Vigo
A Fiscalía evita que Cacharro sente no banco dos acusados ao retirar a acusación contra o ex presidente da Deputación de Lugo na Operación Muralla. Recólleo La Voz
O Castelo de San Felipe, en Ferrol, acolle esta tarde a homenaxe que todos os anos se lle rende a Amada García e ás outras sete persoas fusiladas alí polo fascismo o 27 de xaneiro de 1938.
O reitor da Universidade da Coruña, Xosé Luís Armesto, critica o escaso financiamento que recibe esta institución a pesar de non endebedarse. Lembra que nos últimos cinco anos as tres universidades galegas perderon 55 millóns de euros de financiamento da Xunta.
SinPermiso publica unha entrevista realizada pola televisión pública austríaca ao economista Yanis Varoufakis, probable negociador coa Troika do goberno de Syriza. Varoufakis sinala que "deberíamos limitarnos a propoñer esta simple cuestión: como podemos volver facer sostible a economía social griega de xeito que se minimicen para o alemán medio, para o europeo medio os custes da crise grega?".
Jordi Pujol e a súa dona declaran ante a xuíza pola fortuna oculta en Andorra. O ex president foi recibido entre insultos de varios cidadáns que o agardaban ás portas.