Médicos sen Fronteiras cualifica de "crime de guerra" as declaracións das autoridades de Afganistán, que xustificaron o ataque ao hospital -que o sábado causou 22 mortos- por ter detectado a presenza de talibáns no seu interior.
Fálase
A partir das 9.30 tomarán posesión no Pazo de Raxoi os novos membros do Goberno galego: Jesús Vázquez Almuíña, conselleiro de Sanidade; José Manuel Rey Varela, responsable de Política Social; e Ángeles Vázquez Mejuto, que dirixirá Medio Rural. Toda a información, esta mañá en Praza.
O xuíz recibirá este luns a familia de Andrea e os representantes do CHUS, no inicio dunha semana que pode ser decisiva para a situación que vive a nena.
As primeiras sondaxes a pé de urna prevén unha clara vitoria de Portugal à Frente, mais por debaixo da maioría absoluta. Segundo a RTP, PàF obtería entre o 38-43% dos votos e 108-116 escanos (116 é a maioría). O PS ficaría co 30-35% (80-88 deputados), o BE tería 9-11% (16-20) e a CDU 7-9% (13-17). Para a TVI, PàF tería o 39,2% (112 deputados), o PS 31,7% (83), o BE 10,2% (19) e a CDU 8,5% (16). A SIC outórgalle a PàF o 36,4-40,2% dos apoios (100-108 escanos), ao PS o 29,5-33,1% (84-90), ao BE o 8,1-10,5% (16-19) e á CDU o 6,8-9% (15-18). Livre, PAN e PDR poderían entrar na cámara.
Pechadas as urnas no Portugal continental e Madeira (nunha hora farano nas Azores), as canles de televisión ofrecen estimacións sobre a abstención que se podería ter producido, lixeiramente inferior á de 2011 (41,97%). As proxeccións van dende a máis baixa da RTP (35-40%) á máis alta da TVI (39-43%), pasando pola da SIC (36,9-41,3%)
Aumenta a participación en Portugal. Ás 16 horas votara xa o 44,38% do censo, 2.4 puntos máis que en 2011, cando se rexistrara a abstención máis elevada. A participación ás 16 horas é, no entanto, inferior á de 2009, 2005 e 2002.
Núñez Feijoo reestrutura o seu Goberno. Destitúe a contestada conselleira de Sanidade, Rocío Mosquera, substituída por Jesús Vázquez Almuíña, alcalde de Baiona. Créase unha novo departamento -a Consellaría de Política Social- que será xestionada polo ex alcalde de Ferrol, José Manuel Rey Varela. Beatriz Mato pasa a ocuparse da Consellaría de Medio Ambiente e Ordenación do Territorio, escindida de Infrastruturas, na que continúa Ethel Vázquez. E divídese en dous a Consellaría de Medio Rural e do Mar: Ángeles Vázquez Mejuto, alcaldesa de Melide, pasa a ocuparse de Medio Rural, ficando Rosa Quintana á fronte de Mar.
A participación nas eleccións portuguesas ás 12 horas (20,65%) crece 0,64 puntos con respecto aos comicios de 2011. Nas últimas semanas, as sondaxes anticipaban un descenso da participación.
Ao redor de 500 persoas esixen a "limpeza integral" da ría do Burgo
David Fernández traza en El Periódico un perfil do cabeza de lista da CUP, Antonio Baños, "o home ao que se dirixen todas as olladas. E todas as presións"