Feijóo apela á unidade de España ante o rei. "El español que viene al mundo (...) será libre, en una nación libre y unida", proclamou, antes de cargar contra "privilegios egoístas" e afirmar que "bajo discrepancias que en ocasiones se antojan profundas, late la unidad más profunda aún del pueblo español". Fíxoo no seu discurso no acto en que Filipe VI foi nomeado "embaixador" do Camiño de Santiago.
Fálase
Rajoy non desbota a Feijóo para as listas do PP nas xerais: "Todo o mundo quere que sexa candidato á Presidencia da Xunta, pero o máis importante é escoitalo a el", afirmou durante unha intervención nun foro do diario ABC.
O TSXG desestima o recurso contra a decisión do Consello da Xunta de abrir o servizo de atención especializada no novo hospital de Vigo sen Unidade de Laboratorio Central.
Novo premio ao modelo urbano de Pontevedra. Desta volta é o Euro China Smart Mobility City Award, na categoría de deseño e planificación urbana. O galardón está organizado pola fundación francesa Prospective et Innovation e será entregado o vindeiro 24 de novembro nunha cerimonia en Hong Kong.
La 2 de TVE emite este xoves o documental Las listas de Feijóo: Gallegos por esclavos, que relata como a Compañía Patriótico Mercantil tentou enviar man de obra galega a Cuba, onde aínda existía traballo escravo.
O Parlamento convoca formalmente o derradeiro debate de política xeral da lexislatura. Comeza o vindeiro mércores, 14 de outubro, ás 10 da mañá.
Lidia Senra denuncia ante a Comisión Europea o "caos" do Hospital Álvaro Cunqueiro e preséntao como "un claro exemplo da precarización que conleva a privatización da sanidade na Galiza".
O Frente Atlético financia a defensa dos presuntos asasinos de Jimmy. O grupo ultra de extrema dereita pagou 24.000 euros a dous dos acusados para afrontar os custos do proceso xudicial.
Un home de 55 anos mata a súa parella en Vigo antes de suicidarse. A vítima, de 33 anos, recibira asistencia sanitaria por malos tratos anteriormente. Nas últimas 72 horas houbo outros dous asasinatos de mulleres a mans das súas ex parellas: en Murcia e Biscaia, sumando 33 no que vai de 2015.
En Portugal PSD e CDS/PP pechan un pacto de Goberno, insuficiente se PS, BE e CDU chegan a un acordo. De momento, BE e CDU deixan a porta entreaberta aínda que esixen cambios nas medidas económicas propostas polo PS, entre elas o recorte nas pensións imposto por Bruxelas. Os socialistas anunciaron xa a convocatoria dun Congreso extraordinario, no que dous candidatos lle disputarán o liderado a António Costa.