Unha avaría provoca cinco horas de atraso no Alvia Madrid-Ourense. O tren, que saiu ás 15 horas de Madrid, acabou chegado á cidade das Burgas ás doce da noite.
Fálase
Trinta entidades animalistas maniféstanse en Vigo contra a Lei de Protección e Benestar Animal proposta pola Xunta. Preparan unha nova protesta para a vindeira fin de semana en Compostela
Portugal comeza a preguntarse pola causas do incendio que esta fin de semana matou 61 persoas. "O que é que falhou neste sábado? Tudo, tal como falha há décadas", destaca Público, que incide na ausencia dun dispositivo profesional de prevención, na necesidade dunha mellor xestión do monte e no perigo dos monocultivos forestais.
Margarita Robles será a portavoz do PSOE no Congreso, adianta El Diario. Pedro Sánchez podería impulsar candidaturas para restar poder nos seus territorios aos baróns Ximo Puig e Javier Lambán
Os alcaldes das mareas nas cidades celebran na festa de Compostela Aberta os seus primeiros dous anos de mandato. "Chegamos para quedar e non somos intrusos", resaltou Martiño Noriega no inicio dos actos xunto a Xulio Ferreiro e Jorge Suárez.
VÍDEO | Un dron da canle SIC percorre os espazos destruídos polo incendio de Pedrógão Grande e amosa a estrada na que quedaron atrapadas moitas das vítimas nos seus vehículos. O vídeo está dispoñible na súa web.
As vítimas mortais do incendio de Pedrógão Grande ascenden a 57, segundo vén de informar o Goberno de Portugal e recolle a RTP. (Imaxe recollida pola TVG). O xornal Público vén de suspender o acceso de pago ás súas informacións ata as doce da noite "perante as circunstâncias excepcionais da tragédia". As treboadas, causa máis probable do incendio. Ler máis
Máis de 40 persoas mortas nun enorme incendio forestal en Pedrógão Grande, no centro de Portugal, ao sur de Coimbra. 18 das vítimas foron atopadas no interior dos seus vehículos, segundo informa a RTP. O xornal Público está a realizar unha cobertura ao vivo. Ler máis
Cinco áreas da provincia de Ourense superaron este sábado os 40 graos, aos que se aproximou o sur de Lugo. O ambiente no centro do país foi tamén moi caloroso, mentres que na Mariña apenas se chegou aos 20 graos. Este domingo continúan as alertas activadas polas altas temperaturas, segundo advirte Meteogalicia.
O PSOE pasa a recoñecer oficialmente o carácter plurinacional do Estado, segundo unha emenda aprobada no seu congreso.