CIG-Ensino denuncia o peche de centros educativos completos e o traslado de ensinanzas sen información nin negociación previa. A Consellaría de Educación comunicou na véspera do remate do curso escolar o peche de dous centros educativos -o CEIP Emilio Navasqüés en Cruceiro de Ro (Outes) e o CPI Monte Caxado (As Pontes)- e a eliminación da ESO nun centro de Ribadavia.
Fálase
Xulio Ferreiro defende que a bandeira republicana da Casa Casares Quiroga está "dentro da legalidade". "É unha actuación simbólica que está relacionada co uso dese edificio", afirma trala denuncia da Delegación do Goberno
No aniversario do referendo, Theresa May rebaixa o ton e presenta un Brexit menos duro, prometendo que os cidadáns da UE que leven cinco anos residindo no Reino Unido manterán os seus dereitos.
Sánchez confirma que o PSOE se absterá na votación do CETA do Congreso. O cambio parcial de posición dos socialistas non impedirá, en todo caso, que o tratado se aprobe.
O anunciado silencio de Bárcenas tranquiliza o PP ante a súa declaración na comisión de investigación do Congreso, que terá lugar o vindeiro luns, destaca ElDiario. A súa defensa explica que a súa situación procesal lle impedirá responder a moitas das cuestións que lle propoñan os deputados
O Congreso aproba a elección da dirección de RTVE por concurso público e con consenso previo dos grupos. O Goberno de Rajoy reformou a lei en 2012 para asegurarse o control dos medios públicos aproveitando a súa maioría absoluta. A medida fora aplaudida por Feijóo.
Anova presenta os seus actos do 25 de xullo baixo o lema República e ruptura. Comezarán o día 24 cunha xornada sobre "unidade popular e procesos constituíntes". No Día Nacional a formación celebra unha romaría no parque compostelán de Galeras que comezará a mediodía coa intervención política do seu portavoz nacional, o tamén vicevoceiro parlamentario de En Marea, Antón Sánchez.
Feijóo defende a súa reunión con cargos do Partido Comunista Chinés (na imaxe). “O Goberno de China ten un único partido; nós non votamos en China, temos unha relación co goberno de cada país”. Afirmouno a preguntas da prensa tras a súa recente viaxe ao país asiático.
A Xunta entregará a unha empresa privada a xestión do Monte do Gozo por 41 millóns de euros durante 10 anos, prorrogables por outros 5. O Goberno galego vén de investir outros 1,5 millóns en reparar deficiencias e habilitar piscinas no recinto coa vista posta no vindeiro Xacobeo. Autorizouno o Consello este xoves.
O curso escolar 2017-2018 comezará en Galicia o 11 de setembro en Primaria e o día 15 en ESO, BAC, FP e ensinanzas especiais. Educación vén de publicar o calendario completo.