Praza non se actualiza as fins de semana de agosto por descanso da redacción. Volvemos o luns!
Fálase
A comisión do plan de transporte buscará unha solución á subrogación pendente de 20 traballadores de Lugo e Ourense. Solicitará información con prazo ata o 17 de agosto entre adxudicatarias saíntes e entrantes.
CCOO e USO rexeitan a convocatoria de folga nos aeroportos da Coruña e Santiago. Acusan a UGT de convocar o paro en solitario e sen consenso cos traballadores.
O Goberno central mobiliza a Garda Civil para substituír os folguistas de seguridade de El Prat. O ministro de Fomento anuncia que os axentes realizarán labores nas liñas de seguridade do aeroporto mentres dure o paro.
O Concello da Coruña demándalle ao Ministerio de Xustiza que tome "as medidas que sexan necesarias" para evitar a paralización do xulgado de Violencia sobre a Muller, que deixará de ter titular durante un mes ante a negativa da administración central de cubrir o seu posto durante as vacacións. Oito xuízos tiveron xa que ser adiados
A manifestación contra as touradas en Pontevedra, que se celebrará este sábado ás 20 horas, chega aos 119 apoios de entidades e colectivos sociais.
A Coruña municipalizará 64 empregados das bibliotecas a través dunha empresa pública para evitar os atrancos do Goberno central ás municipalizacións directas.
A suba do prezo do gasóleo en Galicia triplica a media estatal desde o inicio do verán. O litro increméntase un 2,6% desde o inicio das vacacións fronte ao 0,9% no Estado.
O Goberno central ten na súa man impedir a extradición do xornalista turco Hamza Yalçin. O Executivo de Erdogan acusa este escritor de ter vínculos terroristas e de ter escrito artigos críticos co presidente
Dous incendios activos en Lalín e Maside queimaron xa unhas 60 hectáreas, segundo informou a Xunta. Fotografía de @BrifLaza