Case 200 concellos celebran o Entroido como festivo local

Distribución dos festivos locais este luns, martes e mércores de entroido Dominio Público Praza Pública

Galicia está en festa! Entre o luns e o mércores case 200 localidades celebrarán un dos seus festivos locais. Xa este luns de entroido é non laborable en nove concellos (Arzúa, Burela, Monfero, Quiroga, Sarreaus, Toques, Tui, Vilariño de Conso e Vilarmaior). Aínda que o día grande chegará, por suposto, o martes de entroido, no que non se traballará nun total de 168 localidades, máis da metade do país. O martes é festivo local en catro das sete cidades (Ferrol, A Coruña, Lugo e Ourense) e na maior parte das provincias ourensá e lucense, así coma na parte septentrional da provincia da Coruña.

Finalmente, mércores de cinsa será festa nun total de 19 lugares (A Pobra do Brollón, Ares, Castrelo do Val, Celanova, Cualedro, Fene, Laza, Marín, Narón, Neda, O Grove, Oímbra, Outes, Ponte Caldelas, Pontevedra, Verín, Viana do Bolo, Vilanova de Arousa e Vilardevós). Monfero e Vilarmaior son os únicos que repiten festivo (luns e martes).

Grazas ás socias e socios editamos un xornal plural

As socias e socios de Praza.gal son esenciais para editarmos cada día un xornal plural. Dende moi pouco a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas.