Veciños da zona remitennos un vídeo que amosan os vertidos de substancias químicas dende a depuradora de Bens, na Coruña, directamente ao mar, a poucos metros da zona do Portiño.
Non é a primeira vez que se producen vertidos nesta zona e as consecuentes denuncias. Para evitalas, en 2009 construiuse unha canalización que leva as augas fecais a varios centos de metros da costa. Nesta ocasión os vertidos realizáronse directamente na primeira liña de costa. A depuradora de Bens trata a meirande parte das augas fecais da Coruña e a súa comarca.