O ascenso a conselleiro do anterior alcalde de Ferrol, Rey Varela, confirma a teoría de que neste "impaís" a incompetencia no só non se castiga senón que tamén se premia
O ascenso a conselleiro do anterior alcalde de Ferrol, Rey Varela, confirma a teoría de que neste "impaís" a incompetencia no só non se castiga senón que tamén se premia. Despois da estafa da Edar, do cobro fraudulento de máis dun millón de euros a toda a veciñanza ferrolá, despois dos informes fraudulentos para imputar o cobro da taxa, da posta en marcha e das encomendas de xestión totalmente irregulares e opacas, e despois das campañas publicitarias sobre o non-saneamento da ría, resulta que o señor Rey Varela é un dos grandes activos dos que dispón o PP para atender a política social en Galicia.
Esta forma de facer política enganosa é a que está afastando cada vez mais a cidadanía das institucións políticas. O engano, o timo e a estafa non poden ser aval nin premio de ninguén para facer carreira política
A súa xestión amosa a total supeditación do seu goberno os intereses das empresas privadas que colonizaron durante o seu mandato os servizos básicos da cidade
Non son as mellores credenciais pois as de Rey Varela para exercer o cargo de conselleiro; a súa xestión amosa a total supeditación do seu goberno os intereses das empresas privadas que colonizaron durante o seu mandato os servizos básicos da cidade, como a auga, o lixo e os servizos sociais, con Florentino Pérez como último e único beneficiario.
Unha política que se caracterizou tamén polos recortes en servizos sociais e pola promoción do asistencialismo caritativo. Que agora semella que o señor Feijoó pretende levar a Xunta de Galicia, para desgracia dos galegos e galegas.
Unha política que se caracterizou tamén polos recortes en servizos sociais e pola promoción do asistencialismo caritativo
Necesitamos transparencia, responsables públicos que dean conta da sua xestión, que estean ao servizo da xente e non dos grandes lobbies empresariais. Todo o contrario destes políticos profesionais que como Rey Varela sempre antepoñen os seus espurios intereses privados aos do ben común da cidadanía.