A SÚA QUENDA, SEÑORÍA
Cal é a súa principal motivación para entrar no Parlamento?
Achegar a miña experiencia e o meu compromiso como nacionalista e persoa de esquerdas para que Galiza sexa un país mellor, con xustiza, benestar, equidade e futuro.
"Somos unha forza nacionalista e de esquerdas, un produto 100% galego coa mellor candidata á presidencia"
Por que a cidadanía debera votar por vostedes?
Porque somos unha forza nacionalista e de esquerdas, un produto 100% galego, do país. E porque temos a mellor candidata á presidencia da Xunta de Galiza e un programa serio, solvente e valente para facerlle fronte aos retos que ten a nosa terra.
Cal é a medida máis urxente que precisa o país despois do 25S?
Un plan de choque para desenvolver o tecido produtivo creando emprego e riqueza e para facer fronte á emerxencia social e á exclusión.
