Aumenta a participación en Galicia. Despois de que o avance das 14 horas amosase que votara o 33,24% do censo, menos que o 34,89% de 2011, o dato da media tarde indica que xa se achegara ás urnas un 50,95% do censo, un avance de máis dun punto a respecto do 49,62% rexistrado ás seis da tarde nas anteriores eleccións municipais.
Por provincias, o comportamento é desigual. Así, Lugo e Ourense experimentaban aś seis da tarde senllas subas a respecto de hai catro anos; un incremento de case trece puntos no caso lucense, ata chegar ao 54,48%. En Ourense a suba era duns cinco puntos, ata acadar o 53,87%. As provincias atlánticas, pola contra, experimentan lixeiríximos retrocesos, unhas catro décimas no caso coruñés (49,55%) e uns dous puntos no pontevedrés (50,36%).
Máis participación na Coruña, Santiago e Ferrol
A participación retrocede en Lugo, Pontevedra e Vigo
No que atinxe ás sete cidades a participación medra na Coruña (45,34% fronte ao 44,65% de 2011), Ferrol (44,93% e 44,73% en 2011), Santiago (45,81% en 2015 e 45,80% en 2011) e Ourense (53,89% fronte a 48,37% de 2011). Mentres, en Lugo ás seis da tarde participara o 45,22% do electorado (47,55% en 2011), en Pontevedra 46,16% (hai catro anos era do 51,46%) e en Vigo chegou a 46,34%, mentres que en 2011 era de 47,57%.
Por comunidades autónomas, Galicia é unha das sete autonomías nas que se incrementa a participación. Tamén o fai en Euskadi, Navarra, Aragón, Catalunya, a Comunitat Valenciana e Madrid, mentres retrocede nas demais.