0 Gardados para despois

Abolición das touradas

A Conferencia Internacional pola Abolición da Tauromaquia celebrarase o vindeiro sábado 16 de xuño na Coruña, organizada por Galicia, Mellor Sen Touradas e CAS-International, co obxectivo de crear un foro de debate para as persoas que se opoñen a celebración de festexos taurinos en Galicia e tamén ao seu financiamento con cartos público.

Na Conferencia, da que Praza Pública é medio oficial e sobre a que realizaremos unha completa cobertura, participará Jordi Guillot, senador e vicepresidente de Iniciativa per Catalunya, que tivo un papel destacado no proceso de abolición das touradas en Catalunya, e tamén de Marius Kolff, director de CAS-International. Tamén haberá intervencións da historiadora Helena Escoda, o activista portugués Rui Silva, o xornalista luso Sérgio Alves e de Rubén Pérez, voceiro de Galicia, mellor sen touradas.

O Coliseo, nunha das touradas da feira

O Concello da Coruña subvencionará indirectamente a feira taurina

Aproba as condicións da licitación do espectáculo, que constará de tres touradas, e comprométese a "instalar e engalanar a praza", ademais doutras prebendas, como a cesión da banda municipal e a exención das taxas correspondentes, uns favores que sumados ascenden a 79 mil euros, segundo Galicia, mellor sen touradas.

O movemento en contra das touradas en Galicia non deixa de crecer

As touradas, derroche de cartos públicos en tempo de "austeridade"

Calcúlase que cada ano os gandeiros taurinos reciben 600 millóns de euros de fondos europeos para o desenvolvemento agrario. En Galicia, as subvencións públicas sosteñen os poucos espectáculos que quedan e por exemplo na Coruña a feira que se celebra en agosto acumula perdas de 600 mil euros nos últimos tres anos, a pesar da achega municipal de case medio millón de euros.