A precampaña municipal

A Marea Atlántica, xunto a outras cinco listas cidadás como Barcelona en Comú ou Ahora Madrid, reivindica o protagonismo da xente nos comicios locais. Xulio Ferreiro advirte dunha formación que "cabalga sobre unha marea de rebelión democrática que vén do Nunca Máis ou do 15M"

O presidente da Xunta responde unha pregunta de AGE sobre os datos do paro instando a coalición  a aclarar se prefire "o plan quinquenal das economías comunistas ou a misión bolivariana das economías caribeñas"

Os socialistas lucenses reclaman que Jaime Castiñeira "amose" a autorización para construír unha casa na urbanización Santa Mariña, legalizada en 2014. O candidato popular esgrime a "legalidade" e atribúe a petición á "desesperación" do PSOE.

A candidata número catro, Branca Novoneyra e o membro do grupo de teatro Chévere, Xavier Ron, presentaron o documento base sobre o que a formación política traballará no eido cultural

Os alcaldables de PSdeG, BNG, Compostela Aberta, Compromiso e Ciudadanos acuden ao encontro convocado polo persoal do Concello compostelán, ao que o alcalde e aspirante do PP non foi por consideralo "un postureo político".

Tan só o 21,8% das listas están encabezadas por mulleres e hai 128 concellos nos que todas as candidaturas están lideradas por un varón. Na actualidade só 31 localidades galegas están gobernadas por unha alcaldesa, fronte a 283 rexedores.

ENTREVISTA O portavoz nacional do BNG observa o 24-M como o primeiro chanzo dunha carreira de fondo que o Bloque afronta cun "esforzo de posta ao día". Xavier Vence augura bos resultados para a formación onde xa goberna e amósase partidario de "construír alternativas" ao PP "onde sexa posible".

A plataforma cidadá supera o obxectivo e recada máis de 12.000 euros para financiar a campaña electoral. O seu candidato compartirá acto con Barcelona en Comú ou Ahora Madrid e Pablo Iglesias viaxará á Coruña para apoiar a candidatura que aspira a liderar a alternativa a Negreira.

O PSdeG de Amoeiro denuncia e achega vídeos ante a Xunta Electoral nos que se proba como o PP fai campaña en xeriátricos, ofrece notarios de balde para facilitar o voto ou utiliza unha ampla rede de contactos na Administración para carretar as papeletas de maiores impedidos.

Vigo, A Coruña, Ourense, Compostela, Lugo, Pontevedra e Ferrol suman case un millón de habitantes. Pero, ademais, o voto urbano adoita marcar tendencias e iniciar cambios políticos. Analizamos a evolución das distitas forzas na última década.

Podemos, Espazo Ecosocialista, Anova e Esquerda Unida participaron este sábado nun acto de apoio á candidatura encabezada por Luís Rei, que sinalou que “estamos demostrando ser os únicos que escoitamos o berro de rebelión do 15-M”