Se todos os grupos manteñen as súas posturas a respecto da lexislatura fallida, a comisión sobre o sinistro do Alvia en Compostela está abocada ao fracaso e a iniciativa sobre a prórroga para a pasteira de Pontevedra poderá ser aprobada de novo.

PP e Ciudadanos sumarían os mesmos deputados que teñen actualmente os populares en solitario, 41 de 75, e permitirían a Feijóo renovar en outono a presidencia da Xunta co seu propio bipartito.

O inquérito a pé de urna das televisións públicas auguran que Unidos Podemos superará o PSOE e debuxan un panorama no que ambas forzas roldarían a maioría absoluta no Congreso.

• ABC tamén deixa a suma de Unidos Podemos e PSOE preto da maioría absoluta

Dende 2012 todos os resultados do PPdeG foran peores que nas eleccións previas do mesmo ámbito. Os votos acadados o 26X están lonxe dos seus mellores resultados, pero devólveno ao momento previo ao seu peor ciclo.

Os populares galegos frean o devalo na segunda oportunidade grazas á Coruña e Ourense, o PSdeG logra recuperar o segundo posto en votos e escanos e Ciudadanos desaparece da representación parlamentaria galega.

Tras a primeira noite electoral triste da súa historia, a coalición de Podemos, Anova e EU e mais as mareas municipais abordan o xeito de afrontar a crucial proba das eleccións galegas, que serán convocadas en apenas dous meses.

Os diferentes medios de comunicación coinciden en sinalar a Mariano Rajoy como o gran vencedor do 26X co devalo das expectativas de Unidos Podemos e o mantemento do PSOE como segundo principal argumento.

A campaña do presidente galego, salientando a súa labor de goberno máis que a de Rajoy, coa vista posta nas autonómicas, e apelando á volta ao PP dos votantes que marcharan a Ciudadanos lévao a acadar agora o seu obxectivo de decembro: maioría absoluta de escanos.

Os socialistas manteñen os 6 deputados, soben un punto e superan a En Marea en votos e escanos en Galicia. 

O PSdeG-PSOE domina en 12 localidades e En Marea en só dúas (Cangas e O Grove). O 20D os populares obtivera 282 vitorias, por 17 dos socialistas, 14 de En Marea e 1 de Nós. Mapa no interior

O presidente acentúa en Vigo o discurso da ruptura de España sobre o do medo á revolución, pide os electores que escollan o PP por eliminación dos outros e apela aos que hai catro anos votaron o PSOE. Nun paseo por Santiago recibe apupos contra a corrupción.

O Bloque perde uns 25.000 votos e queda por baixo do 3% de apoio. "Eramos David contra Goliat", di Ana Pontón que lamenta o "escenario claramente condicionado polo bipartidismo a catro". 

Os populares gañan nas sete urbes, subindo en todas elas. En Marea baixa entre tres e catro puntos e o PSdeG-PSOE, que medra lixeiramente en porcentaxe de voto, consegue ser segundo en Lugo e Ourense.

O PP obtén 12 dos 16 senadores galegos, mentres que o PSdeG-PSOE recupera o escano pola Coruña. Os populares levan 130 dos 208 postos na Cámara alta.