Fálase

O Goberno israelí carga contra o Concello de Oleiros pola queima no San Xoán dunha figura que representaba a Trump e Netanyahu montados nun mísil na praia de Bastiagueiro. "Oleiros manda ao inferno" aos "dous criminais máis vergoñentos e indecentes do noso tempo", reivindica o goberno municipal, que resalta que o acto virou "nunha nova denuncia do masacre" que os mandatarios "están a causar por todo o mundo, ignorando leis e dereitos internacionais e humanos". A embaixada de Israel en España transmite a súa "condena" ao consistorio oleirense por, din, "promover demostracións inaceptables". "A responsabilidade das autoridades é parar a instigación ao odio, non fomentalo", sosteñen. [Imaxe: © Concello de Oleiros]

• A delegación galega na Flotilla a Gaza, na casa tras o secuestro de Israel
• HEMEROTECA | A presión contra o xenocidio en Gaza move mesmo o PPdeG
• HEMEROTECA | Israel declara "inimigo" o Parlamento de Galicia

Pedro Sánchez comparece  ante o Congreso para abordar os casos de corrupción e procesos xudiciais que atinxen o PSOE e o Goberno de España. O presidente do Executivo e líder socialista principia advertindo de que "non debe haber impunidade" para as prácticas corruptas e instando a distinguir entre casos coma o que vén de propiciar a condena de Ábalos das pescudas contra as súa familia.

• AMPLIAMOS 👉 Sánchez nega "corrupción xeneralizada": "Xamais coñecín nin tolerei ningunha destas prácticas"
• O Supremo impón 24 anos de prisión a Ábalos e libra o comisionista De Aldama da cadea

"Rexistros de récord" nas temperaturas do leste e norte de Galicia, con ata 39,4 graos en Cospeito; 39 en Riotorto; 38,3 na Pontenova ou 36,6 en Burela, destaca MeteoGalicia con datos recompilados ata as 17:20 da tarde nunha xornada de moita calor en todo o país. "O vento do sur e a ausencia de nubes", detalla, explica estes altísimos rexistros en puntos da provincia de Lugo.

• Alertas pola calor e risco de incendio engádense ás precaucións habituais para o San Xoán
• A vaga de calor comeza con máis dun cento de concellos xa en alerta vermella
• O cambio climático trae a Galicia as 'noites tropicais' asociadas a mal durmir e problemas de saúde
• Á espera dos vindeiros récords de temperatura: a síndrome da ra posta a ferver

O grupo de ex-edís do PSdeG de Santiago expulsados o pasado 2025 concorrerá ás municipais en Santiago con Mercedes Rosón á fronte como candidata á alcaldía. Rosón, Gonzalo Muíños, Mila Castro e Marta Álvarez ratifican o "paso adiante" para conformaren unha nova "plataforma" que, din, será "libre, progresista, rigorosa e centrada exclusivamente nos intereses de Compostela". 

• AMPLIAMOS 👉 O grupo de Rosón axita o taboleiro compostelán cunha "nova plataforma" para as municipais
• HEMEROTECA | Ascensión con arrecendo a polbo e a municipais 2027
• HEMEROTECA | O PSdeG abócase a ficar con dous edís en Santiago e os expulsados van "esgotar todas as vías"
• HEMEROTECA | A norma que completa o freo a pisos turísticos en Santiago, aprobada co PSdeG malia á orde da dirección local do partido

O Dépor xa é da Coruña. O 79,4% das persoas abonadas votaron a favor da forma galega e legal do topónimo da cidade na consulta celebrada durante os últimos días, na que participou o 56% do censo con dereito a voto. A Xunta Xeral Extraordinaria de Accionistas reunida na mañá deste martes aprobou o cambio de denominación social do club,

• 🔵⚪️AMPLIAMOS 👉 O Dépor xa é 'da' Coruña: o 79% vota a prol do nome galego e legal da cidade
• O deportivismo vota ata o domingo para certificar o cambio no nome do club: será da Coruña
• O Dépor corrixe a anomalía do topónimo e será da Coruña

Un novo incendio no Concello da Capela afecta dende a pasada madrugada ao Parque Natural das Fragas do Eume onde, segundo Medio Rural, levan ardido unhas 8 hectáreas. Outro foco no mesmo municipio que xa queimou unhas 30 hectáreas foi dado por controlado. A Consellería dá conta dun único incendio máis na Mezquita, chegado de Portugal e tamén controlado. Como adoito, existen máis incendios dos que Medio Rural non informa 

• AMPLIAMOS 👉 Alertas pola calor e risco de incendio engádense ás precaucións habituais para o San Xoán
• O lume volve ao monte coa opacidade habitual entre aplicacións e IA

Ourense marca a temperatura máxima do día en Galicia con 39,6 graos ás 17:50 desta tarde. Varios puntos da Ribeira Sacra superaron tamén con amplitude os 35 graos, con 38,6 en Ribas de Sil, 38,1 en Monforte ou 37,6 en Pantón, segundo as respectivas estacións de MeteoGalicia. Na imaxe, o mapa de temperaturas máximas no que vai de xornada, procesado ás 18:40.

• A vaga de calor comeza con máis dun cento de concellos xa en alerta vermella
• Greenpeace detecta temperaturas de 27 graos en aulas de Ourense
• O cambio climático trae a Galicia as 'noites tropicais' asociadas a mal durmir e problemas de saúde
• Á espera dos vindeiros récords de temperatura: a síndrome da ra posta a ferver

O grupo de ex-edís do PSdeG de Santiago expulsados o pasado 2025 anunciará este martes se concorre ás eleccións municipais. Mercedes Rosón, Gonzalo Muíños, Mila Castro e Marta Álvarez confirmarán "a decisión conxunta sobre o seu futuro político e o camiño que adoptarán" cara aos comicios de 2027 que adoptaron, din, "escoitando cada día o que nos din as nosas veciñas e veciños".

• HEMEROTECA | Ascensión con arrecendo a polbo e a municipais 2027
• HEMEROTECA | O PSdeG abócase a ficar con dous edís en Santiago e os expulsados van "esgotar todas as vías"
• HEMEROTECA | A norma que completa o freo a pisos turísticos en Santiago, aprobada co PSdeG malia á orde da dirección provincial do partido

A Fundación Andrea, o trompetista Esteban Batallán, a física Mar Capeáns, o atleta Adrián Ben e a hostaleira María Barallobre, propietaria dos restaurantes La Penela, Medallas Castelao 2025. O Consello da Xunta aprobou a concesión das distincións que o Goberno galego entrega cada 28 de xuño, cadrando co aniversario do primeiro Estatuto e mais do regreso dos restos de Castelao ao noso país. Na imaxe, a entrega das medallas o pasado ano.

O Supremo condena o ex-ministro Ábalos a 24 anos de prisión no 'Caso Mascarillas' e impón 19 anos e 8 meses ao seu ex-asesor Koldo García. O empresario e comisionista Víctor de Aldama recibe unha condena de 4 anos e medio, menos do solicitado pola Fiscalía, que non terá que cumprir pola súa "achega ao descubrimento de delitos" no caso. 

• AMPLIAMOS 👉 O Supremo impón 24 anos de prisión a Ábalos e libra o comisionista De Aldama da cadea