Xa case se vai convertendo en tradición que ao redor destas datas coñezamos os resultados da enquisa que a web especializada en literatura galega Fervenzas Literarias realiza entre os seus lectores e lectoras sobre os mellores libros, iniciativas culturais e autores e autoras do ano. É xa o oitavo ano consecutivo que se realiza e sempre coa participación de centos de persoas, nesta ocasión 531. A viaxe de Gagarin (Agustín Fernández Paz), Cronoloxía da urxencia (Dores Tembrás), Historia da Literatura Galega II (Xosé Ramón Pena), Lapsus (Alfonso Pexegueiro), Reo (Xesús Fraga) e Escarlatina. A cociñeira defunta (Ledicia Costas) foron os títulos escollidos nas categorías de narrativa, poesía, ensaio, teatro e literatura xuvenil e literatura infantil.
Esta é a lista de gañadores e gañadoras
- Mellor libro de narrativa: A viaxe de Gagarin. Agustín Fernández Paz. Xerais
- Mellor libro de poesía: Cronoloxía da urxencia. Dores Tembrás. Espiral Maior
- Mellor libro de ensaio/investigación: Historia da Literatura Galega II. Xosé Ramón Pena. Xerais
- Mellor libro de teatro: Lapsus. Alfonso Pexegueiro. Axóuxere
- Mellor álbum de banda deseñada: O bichero. Luís Dávila
- Mellor libro traducido para público adulto: Jude o escuro. Thomas Hardy. Tradución de María Fe González. Hugin e Munin
- Mellor libro literatura xuvenil: Reo. Xesús Fraga. Galaxia
- Mellor libro traducido de LIX: Na cociña de noite. Maurice Sendak. Tradución de Oli. Kalandraka
- Autor/a do ano: Agustín Fernández Paz
- Ilustrador/a do ano: David Pintor
- Mellor portada de adultos: Olympia Ring, 1934 (Xabier López). Editorial Galaxia
- Mellor portada de LIX: Escarlatina, a cociñeira defunta. Portada de Víctor Rivas. Xerais
- Mellor editorial do ano: Galaxia
- Crítico/a literario: Armando Requeixo
- O mellor acontecido no 2014: Culturgal
- O peor acontecido no 2014: A política lingüística e cultural da Xunta de Galicia
- Mellor libraría: Libraría Couceiro
- Mellor medio de comunicación: Praza Pública
- Mellor blog/web literaria: Caderno da Crítica