Unha ducia de pintadas charramangueiras
Hai quen di que a xente cun micrófono diante tolea. Cun spray na man, ás veces, pode pasar o mesmo e chegar a ser máis perigoso ca un mono cunha pistola.
-
01
Monogamia, fascismo... tanto monta, monta tanto
Desde a rúa de San Pedro, en Santiago de Compostela déronlle unha volta ao tema da fidelidade. Como xustificación, non está mal, iso si, era boa cousa escribir sen grallas...
-
02
Sopa de siglas
Nas pasadas eleccións autonómicas ter un cacao mental co das novas siglas era normal... BNG, AGE, CxG... Os alumnos de xornalismo de Compostela intentaron axudarse uns a outros nas mesas da bilblioteca da súa facultade para telo claro...
-
03
Deseños difíciles
Ser nazi é complicado... e ser nazi independentista catalán nin lles conto. Menos mal que a pintada está no barrio de Conxo, en Santiago e o psiquiátrico está preto...
-
04
It´s me, Mario
No Barco de Valdeorras o vermello e o azul do peto do personaxe de Nintendo non lle sentan mal ao camarada Stalin.
-
05
Terra de cocido e de poetas
En Lalín alguén tiña morriña dun namorado ou namorada e quixo compartilo cos veciños
-
06
#vivaantes
Na Rúa, no Barrio da Estación, hai pintadas que aturan o paso do tempo
-
07
Ante situacións difíciles...
medidas desesperadas. Se cadra así baixaba o paro... ou enchían o cárcere da Lama...
-
08
Lugo non esquece
As pintadas non son clementes nin sequera cos finados.
-
09
As présas...
Non todo o mundo serve para todo. O ourensán que fixo esta pintada é un caso claro
-
10
O sitio oportuno
Polas rúas hai ducias e ducias de pintadas a favor do aborto, pero onde mellor para facela que nunha igrexa? (e de paso a esvástica tachada, unha vez postos ao choio...)
-
11
Coruños poetas
Na Coruña teñen dialecto propio e formas propias de expresar amor tamén...
-
12
Xoias
Rematamos a ducia con esta pintada que atoparon hai pouco detrás dunha zona de maleza en Redondela. Curiosa, moi curiosa para ser da UCD.