Unha ducia de Youtubeir@s
Dende finais do pasado ano os servizos de normalización lingüística das tres universidades e mais once concellos andan á procura de youtubeiros e youtubeiras co obxectivo de encher o popular portal de todo tipo de vídeos en galego, dende titoriais ata opinións. Na recta final do concurso repasamos unha ducia destas achegas youtubeiras do país.
-
01
Que é ser galego?
Unha pregunta transcendental, respondida por Lady Avellana
-
02
Berenxenas recheas
Unha gorentosa receita presentada dende un programa moi especial: Corasón de churrasco
-
03
Circe ou o Pracer do Azul
Lucía Ortigueira achega á rede youtubeira unha recensión da novela de Begoña Caamaño Circe ou o Pracer do Azul
-
04
Falar galego non vale para nada?
Un clásico revisitado. Falar galego non vale para nada? Explícao Brais Doval.
-
05
Unha introdución ao frikiñismo
Ser frikiño ten o seu aquel. Ou senón, que llo pregunten a Iago Varela.
-
06
Tornar en cervo?
No entroido, nunha obra de teatro... Ou cando che apeteza. Unha boa maquillaxe e peiteado son fundamentais para unha caracterización ben feita. Na canle Nubes Baixo Ti dan todas as claves para tornares en cervo!
-
07
Como capturar Pokémon?
Hai un tempo Pokémon -o videoxogo, non o dos xulgados- ocupou moitas liñas en xornais e minutos informativos, pero agora anda bastante desaparecido. Neste vídeo explícannos como capturalos dun xeito doado.
-
08
Como ser puntual
Noa García responde a algo esencial: como non prenderes nunha silveira e chegares á hora á que quedaches en chegar.
-
09
Sobrevivir nos festivais
Imos cara ao verán e iso adoita ser sinónimo de festivais. Na canle Festivana achégannos unha guía para sobrevivir con xeito a estes eventos.
-
10
A sabedoría do raposo
Unha morea de voces sabias, augurios e consellos atinados.
-
11
E a lingua para os vídeos?
Montaxe, iluminación... Todo importa para un bo youtubeiro ou yotubeira. E, evidentemente, tamén importa moito a lingua. Explícao clariño Manuel Núñez Singala, un dos integrantes do xurado do concurso.
-
12
Ao cabo, que hai que ter para triunfar como Youtubeir@?
Vídeos que che gusten e sen medo ningún. Nin ao ridículo, nin ao frío... Nin a nada! Cóntao moi ben MachMike.