O desemprego descendeu en 83.599 persoas en abril, ata as 4.011.171; en termos desestacionalizados, a redución é de 8.329. Hai, igualmente, 158.038 afiliados/as máis á Seguridade Social. En Galicia hai 3.644 desempregados/as menos, deixando a cifra total en 228.153, e 2.808 traballadores/as máis.
Fálase
Carme Adán renuncia a encabezar a lista do BNG por Pontevedra nas eleccións xerais. Faino pola "coherencia" de non poder representar este proxecto, despois de que a asemblea da formación rexeitara a proposta de explorar unha confluencia máis ampla.
Os concellos gallegos ingresan 300 euros menos por habitante que a media estatal. As razóns: impostos máis baixos (reciben polo IBI 110 euros por debaixo da media) e menores transferencias do Estado central (55 euros menos)
Faro de Vigo entrevista a Alberto Núñez Feijoo, que di que "A Galicia non lle interesa meterse no lío da política nacional" e asegura confiar en que o PP pode acadar a maioría absoluta, fixando a abstención e a fuga de votos a Ciudadanos como principais problemas para a formación.
Ted Cruz abandona as primarias republicanas, deixando o camiño aberto para a nominación de Donald Trump, que xa só compite con Kasich. Sanders gaña en Indiana, pero ten xa practicamente imposible superar a Clinton.
O Goberno catalán prepara unha nova lei contra a pobreza para deixar sen efectos prácticos a suspensión promovida polo Goberno central
O Básquet Coruña derrota con claridade o Breogán (99-63) e xogará contra o Melilla as semifinais do play-off de ascenso á ACB. O Ourense Baloncesto perdeu ante o Burgos e queda eliminado, aínda que ten praza asegurada na máxima categoría
A débeda de IU queda fóra das negociacións con Podemos para a confluencia. De formarse, a candidatura non botaría man de financiamento bancario. As dúas formacións inician a redacción dun programa común de mínimos
Comeza o prazo para solicitar o voto por correo nas eleccións xerais do 26 de xuño. Poderá ser remitido ata catro días antes dos comicios, cuxos prazos contan dende este martes, coa promulgación da convocatoria. Estas son as principais datas do proceso electoral.
O PP esgrime a necesidade de manter o envío de papeletas ás casas para garantir o "dereito de sufraxio", en verbas de María Dolores de Cospedal. A número dous de Rajoy afirma que o partido si está disposto a colocar menos cartelaría electoral nas rúas na nova campaña das xerais. En eldiario.es