Detido o narco Sito Miñanco por tráfico de drogas e branqueo a dez días de volver ser xulgado

Sito Miñanco, nunha imaxe da TVG © CRTVG

A Policía detivo este luns en Algeciras (Cádiz) a José Ramón Prado Bugallo, alias Sito Miñanco, o narcotraficante galego contra o que está previsto celebrar un novo xuízo dentro de dez días, informaron a eldiario.es fontes próximas ao caso. Na operación tamén está detida a súa filla Rosa María, arrestada en Cambados, onde se rexistra a súa inmobiliaria.

O operativo está dirixido polo xuíz da Audiencia Nacional Carmen Lamela, de garda este luns, e é executada por axentes da Unidade contra a Delincuencia e o Crime Organizado (UDYCO Central). Os delitos investigados son tráfico de drogas e branqueo.

O narcotraficante, un dos históricos das Rías Baixas estaba pendente dun xuízo por branquear 10 millóns de euros. Xunto a el están acusados a súa muller, unha das súas fillas e un empresario, ao que a Fiscalía acusa de actuar como home de palla. O xuízo ía celebrarse o 27 de febreiro e o 1 de febreiro na Audiencia Provincial de Pontevedra.

Sito Miñanco foi detido en Andalucía e unha das súas fillas en Cambados, onde a Policía rexistra a súa inmobiliaria

O operativo chámase 'Mito' en alusión ao histórico narcotraficante. No marco da mesma produciuse esta mañá un tiroteo nun chalé de Alpedrete (Madrid) con dous membros do GEO feridos, así como o habitante da casa, que recibiu a tiros aos axentes. Un dos policías de elite recibiu un impacto na clavícula.

Este presunto narcotraficante tamén resultou ferido o tiroteo, aínda que tampouco se teme pola súa vida. Un segundo axente foi ferido, aínda que de carácter leve, por impactos de bala no seu chaleco.

Sito Miñanco, nunha imaxe da TVG © CRTVG

Grazas ás socias e socios editamos un xornal plural

As socias e socios de Praza.gal son esenciais para editarmos cada día un xornal plural. Dende moi pouco a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas.