Xa se coñecen as cifras exactas do ERE que aplicará El País tanto no conxunto do xornal como especificamente na súa delegación en Galicia. 149 traballadores -dos ao redor de 450 cos que conta- perderán o seu emprego: 128 despidos a 20 días por ano cun máximo de 12 mensualidades brutas, 21 prexubilacións para maiores de 59 anos, ademais dun 15% de redución de salario para todo o cadro de persoal. En Galicia a medida levará por diante a 8 dos 12 traballadores: os tres administrativos e 5 dos 9 xornalistas contratados. A isto engádese a supresión doutras colaboracións externas coas que se construía o caderniño desaparecido hai uns días.
Dende esta tarde na edición dixital e dende mañá na impresa entra en vigor unha folga de sinaturas que durará un mes
Dende esta tarde na edición dixital e dende mañá na impresa entra en vigor unha folga de sinaturas que durará un mes. Ademais, o Comité de Empresa aprobou en asemblea este luns a convocatoria de 18 días de folga, que se levaran a cabo máis adiante. Os traballadores da edición galega teñen asemblea este mércores e decidirán entón que días se levan a cabo esas xornadas de paro. As condicións dos despedimentos serán as que marca la Reforma Laboral impulsada polo Goberno del PP, e que foi criticada abertamente nos diferentes medios de comunicación de PRISA. Os traballadores recibirán apenas unha indemnización de 20 días por ano traballado.
O Comité de Empresa denuncia presións ante a medida da retirada de sinaturas e xa emitiu unha reprobación pública a Juan Luis Cebrián: a declaración considera "inmoral e contrario aos principios deontolóxicos recollidos no libro de estilo que o presidente se embolse millóns de euros mentras intenta despedir 149 compañeiros" e esíxelle a Cebrián "que devolva boa parte dos millóns que levou nestos anos co fin de axudar a facilitar o futuro desta empresa". O presidente de Prisa cobrou 13 millóns de euros en 2011. O texto remata acusando a Cebrián de "descualificar o noso traballo, denigrar publicamente o xornal que debería defender con unllas e dentes e burlarse dos centos de milleiros de españois que a diario acoden ao quiosco para pagar polo produto que facemos entre todos".
Tamén transcendeu que este martes Joaquín Estefanía -ex director do xornal- se enfrontou abertamente a Cebrián no transcurso dunha reunión
Tamén transcendeu que este martes Joaquín Estefanía -ex director do xornal- se enfrontou abertamente a Cebrián no transcurso dunha reunión. Estefanía afirmou que “o ERE vai producir un deterioro irreversible na plantilla e un desgarro emocional do que os traballadores non se van recuperar nunca”. Molesto polas informacións publicadas pola dirección do xornal das que se deducía que tamén apoiara a medida, Estefanía, apoiado por Soledad Gallego-Diaz, concluiu dicindo que "estiven contigo o 23F, estiven contigo na folga de sinaturas, pero por isto non vou pasar”.