0 Gardados para despois

Caso Jimmy

Ningún condenado, ningún imputado. Pasados case catro anos, a morte do seareiro do Deportivo Francisco Javier Romero Taboada vai camiño de quedar impune. Despois daquela brutal malleira que acabou con Jimmy no río Manzanares, ningún ultra está a ser investigado por homicidio malia a petición do fiscal e a versión da policía. A masiva pelexa entre Riazor Blues e Frente Atlético daquel 30 de novembro de 2014 cambiou a seguridade nos estadios, puxo en marcha varias iniciativas contra a violencia e pareceu concienciar o mundo do fútbol. Pero o xuíz que leva o caso decretara o arquivo da causa --que foi reaberta e continuou apañando declaracións-- e acaba de dar por pechada a instrución sen identificar autor ningún da morte.