O presidente da Deputación de Ourense aposta por "manter a identidade política" dos municipios e asegura que a institución que dirixe é "a maior fusionadora" pola vía de prestar servizos conxuntos a decenas de concellos da provincia
PP, PSdeG e BNG acordan pedir "solucións" para os clientes dos bancos afectados polas participacións preferentes. A unanimidade da Cámara avala instar a Xunta a tramitar a Lei de Publicidade Institucional, a reclamar a construción do Parador de Muxía e a promover a fin dos anuncios de prostitución na prensa.
Os conservadores recollen nas súas propostas de resolución do debate de política xeral o groso do discurso de Feijóo. Socialistas e nacionalistas coinciden en reclamar unha fiscalidade "máis progresiva", vetar as privatizacións na sanidade e investigar o acontecido nas antigas caixas.
O presidente da Xunta tenta situarse como referencia dun "novo mapa municipal" do Estado e os rexedores sinalan que a unión "se deu por feita" a causa do discurso de Feijóo ante o Parlamento, pero "estamos no inicio".
Os sindicatos arremeten contra a decisión de Feijóo de diluír o Consello Económico e Social e Competencia no Consello Galego de Relacións Laborais (CGRL). Reclaman unha "explicación" e que a decisión se adopte no marco do Diálogo Social
O presidente tenta capitalizar o debate de política xeral co anuncio da fusión de dous concellos e a proposta dunha baixada do IRPF para quen inicie unha actividade empresarial. Pachi Vázquez reclama subirlles os impostos ás rendas altas e insta o líder popular a "deixar paso" se "non é quen de gobernar", Ana Pontón coida que "moitos galegos" xa lle están "asinando o finiquito" ao xefe do Goberno.