Sara Torreiro

Unha ducia de lemas da loita do cerco

O cerco continúa acampado en San Caetano e xa van nos 40 días alí. As pancartas denuncian a bancarrota á que se ven abocadas as familias coas limitacións impostas ao sector. Van doce olladas do que ven día a día todas as persoas que saen da Sede da Xunta

  1. 01

    Acampada indefinida

    Así o manifestou o presidente de Asociación de Armadores do Cerco de Galicia, Juan José Blanco: "A acampada é indefinida; seguiremos loitando, coma se temos que estar aquí ata fin de ano"

  2. 02

    Cotas xustas

    Reclámanas por unha solución aos barcos artesanais dos que dependen, segundo din, uns 1.400 postos de traballo directos e uns 5.000 indirectos no país.

  3. 03

    Diferenzas na xarda e o xurelo

    A problemática vén de lonxe e xa o repartimento das cotas da xarda entre as diferentes autonomías provocara importantes protestas. Pero co xurelo a situación agrávase ao supor os ingresos maioritarios do cerco en Galicia.

  4. 04

    O Goberno central, no allo

    O conflito chega logo de que o Goberno central, tras un acordo co sector, fixase as cotas para cada barco baseándose nas capturas históricas dos últimos anos (2002-2012), ademais de ter en conta a capacidade e a tripulación.

  5. 05

    As tendas, dedos acusadores

    En diversas tendas os mariñeiros escribiron o que implicaba as perdas de cada barco para as familias. 

  6. 06

    E Feijóo?

    Os mariñeiros cren que a conselleira de Mar e o presidente Feijóo "queren arranxar sen arranxar, favorecer uns e prexudicar outros nun enfrontamento de frota que non había"

  7. 07

    Traizón

    "Feijóo traizoa os galegos", podía lerse nos carteis que portaban varios dos manifestantes e que quedaron despois no campamento

  8. 08

    As condicións históricas

    Coas condicións actuais de repartimento, e dependendo das condicións históricas de cada embarcación, hai quen dispón duns 5.000 quilos de xurelo ao ano e mesmo quen só pode pescar 1.000.

  9. 09

    As quendas

    Os mariñeiros repártense en quendas para quedar no campamento. As distraccións son variadas: as cartas unha indispensable

  10. 10

    As recomendacións

    As tendas de loxística gardan mensaxes de limpeza e os resultados de partidas de cartas.

  11. 11

    E o futuro?

    "Están a marxinar as familias que son o futuro de mañá", asegurou Juan José Blanco, presidente de Acerga

  12. 12

    Ata cando?

    Polo momento, semella que as solucións da Xunta son parciais e non definitivas a un conflito que ameaza con continuar no tempo.