Praza Pública

Unha ducia de vistas á ría de Pontevedra sen ENCE

O Goberno de España en funcións aprobou neste xaneiro de 2016 a prórroga da permanencia de ENCE por 60 anos máis na ría de Pontevedra, cuxa autorización caducaba en 2018. A polémica decisión provocou un forte rexeitamento social e da maioría das formacións políticas. A plataforma Ence Fóra da Ría para sempre achega fotos históricas das vistas da ría sen a planta. 

  1. 01

    A ría

    Imaxe aérea da contorna da ría de Pontevedra nos anos previos á construción da factoría de ENCE. 

  2. 02

    Bañistas

    Bañistas nun areal da ría antes da instalación de ENCE. O Concello aposta desde hai anos por recuperar a contorna para convertela na "praia de Pontevedra".

  3. 03

    Novo 'malecón'

    Antiga postal na que catro mulleres pasan diante do novo 'malecón' construído antes da instalación da celulosa. 

  4. 04

    Mariscadoras

    Mariscadoras na ría de Pontevedra, na contorna de Lourizán, onde agora se sitúa ENCE. Xa nos anos 50, estas traballadoras opuxéranse á construción da fábrica.

  5. 05

    Cabo Praceres

    Cabo Praceres e o as instalacións do Sagrada Corazón antes da construción das instalacións industriais. "Gran Hotel de los Placeres. Marín. Pontevedra. Baños de mar litre y templados", pódese ler na postal. 

  6. 06

    Outra vista dos Praceres

    Outra imaxe dos Praceres antes da instalación de ENCE. 

  7. 07

    Pazo de Lourizán

    Fotografía antiga do pazo de Lourizán, casa señorial situada no lugar de Herbalonga da parroquia pontevedresa. Na actualidade sitúase alí o Centro de Investigacións Ambientais e Forestais, que ten como obxectivos a protección, conservación e mellora do patrimonio forestal de Galicia.

  8. 08

    A ría sen ENCE

    Outra imaxe aérea da entrada da ría de Pontevedra, sen a planta de ENCE.

  9. 09

    Antigo hotel 'Los Placeres'

    Antigo hotel de Los Placeres, instalacións que acabarían sendo sede do Colexio Sagrado Corazón, fundado hai case 100 anos e que foi ampliando as súas infraestruturas ata as actuais. 

  10. 10

    Lourizán, ateigado

    A zona de Praceres, en Lourizán, ateigada de xente nunha imaxe previa á construción da factoría de ENCE

  11. 11

    Franco inaugura a planta de ENCE

    O NO-DO do 23 de setembro de 1963 recolleu a inauguración oficial da planta de ENCE en Lourizán, aínda que xa estaba en funcionamento dende 1957

  12. 12

    A chegada de ENCE

    A fábrica de ENCE, fumegando ao pouco da súa instalación ante varios mariñeiros.