Podemos Galicia lanza un manifesto co gallo do 25 de xullo no que a súa secretaria xeral, Carmen Santos, salienta que “a patria de Podemos é a xente”. “A nosa patria son os mariñeiros, son os gandeiros, é o personal da sanidade, e o persoal do ensino, e a xente que traballa nas pequenas empresas, son os autónomos, son os empregados do fogar, e a xente que non traballa", destaca.
Fálase
En Marea presentará este martes a solicitude de Grupo Parlamentario galego no Congreso. En caso de negativa, a formación anuncia que levará a cabo "as medidas legais oportunas"
Verizon -que o pasado ano se fixera con AOL- merca Yahoo por 4.400 millóns de euros. Yahoo, fundada en 1995 e que chegou a ser un dos xigantes das comunicacións dixitais, levaba anos en crise.
Xosé Manuel Beiras intervén arestora no acto político de Anova polo Día da Patria. A información, hoxe en Praza.
En marcha a manifestación do BNG polo Día da Patria, encabezada por primeira vez por Ana Pontón como portavoz nacional. A información, hoxe en Praza.
O BNG comezou os actos do Día da Patria coa homenaxe a Rosalía e Castelao organizada por Galiza Nova. Ana Pontón subliñou a poeta como a "primeira feminista" galega e o político e artista como figura central para o soberanismo.
A Universidade de Vigo presentará este martes a nova Cátedra Internacional José Saramago, nun acto no que intervirán representantes do Instituto Camões, da Fundação Engenheiro António de Almeida e Fundação José Saramago
Tráfico denso e atascos en varios lugares de Galicia, nomeadamente nos accesos ás zonas de praia. Por exemplo, este mediodía nas proximidades da Ponte de Rande.
Un atentado suicida deixa cando menos 21 persoas mortas en Bagdad nun barrio de maioría xií.
Ás 11 horas a asociación de vítimas e familiares de vítimas do accidente do Alvia levará a cabo unha concentración na Praza do Obradoiro para "esixir verdade e xustiza" no terceiro aniversario do sinistro. Ás 20.41 (hora á que descarrilou o tren) lembrarán en Angrois os falecidos e feridos. Na estación da Coruña gardarase un minuto de silencio ás 21.10, hora á que debería ter chegado o tren á cidade herculina. Toda a información, hoxe en Praza.