A Audiencia imputa as antigas cúpulas do Banco de España e da CNMV pola saída a Bolsa de Bankia. Entre as persoas investigadas está o ex-gobernador Miguel Ángel Fernández Ordóñez, baixo cuxo mandato o regulador deu luz verde á fusión de Caixanova e Caixa Galicia, operación que considerou inviable poucos meses despois.
A gaiteira Cristina Pato gaña o Grammy ao mellor álbum de músicas do mundo coa súa banda Silk Road. O disco, Sing me home, inclúe unha nova versión da canción tradicional galega Cabaliño, na que tamén participaron Davide Salvado, Anxo Pintos e Roberto Comesaña. Podes escoitala nesta ligazón.
De Cospedal chama a "recuperar a unidade do centro dereita español" fronte á "casta populista" tras manter a secretaría xeral do PP, aínda que con menos poder
Caballero aposta por que Carmela Silva sexa quen "leve a bo porto" o PSdeG, do que cre "un drama" que careza de dirección. Afirmouno nunha entrevista na Cadena SER
O futuro de Íñigo Errejón, principal incógnita tras o triunfo do equipo e documentos de Pablo Iglesias na asemblea de Podemos. Cóntao eldiario.es
Investigan a morte violenta de tres membros da mesma familia na Estrada. Unha muller apareceu aforcada e a súa nai e o marido, mortos por ferida de bala.
O Teatro Principal de Santiago de Compostela acolleu unha homenaxe ao sociólogo Fermín Bouza, finado o pasado mes de outubro. O acto acto, titulado "Somos ferministas" e organizado pola Revista Luzes, foi presentado por Manuel Rivas e Xosé Manuel Pereiro e nel interviron Antón Baamonde, Antón Losada, Xosé Manuel Beiras, Amada Traba, Ana Cuña, Antón Patiño, Carmen Pena ou Dores Tebrás.
Detido na Coruña un home de 78 anos despois de apuñalar a súa esposa cun coitelo de cociña. Ela foi trasladada ao hospital e está fóra de perigo
Pablo Iglesias imponse a Íñigo Errejón e acada o 60% da dirección de Podemos. A proposta de Iglesias obtén máis do 50% dos votos no debate de documentos, polo 33% de Errejón e o 10% dos anticapitalistas. No Consello Cidadán, a lista do secretario xeral suma 37 dos 62 postos, 23 e 2 das outras dúas candidaturas. Os galegos José García Buitrón e Ángela Rodríguez formarán parte deste órgano. Os resultados completos pódense consultar nesta ligazón
Rajoy sae reelixido como presidente do PP co 95,65% dos votos, mantén a Mª Dolores de Cospedal como secretaria xeral, pero ascende a Fernando Martínez-Maillo ao cargo de coordinador xeral do partido. Miguel Tellado entra no Comité Executivo do PP, sumándose a Núñez Feijoo, Javier Dorado, Pilar Rojo, Ana Pastor, José Manuel Barreiro e Francisco Millán Mon.
