Nos últimos tres días publicáronse unha ducia de enquisas de ámbito estatal. Con matices, todas debuxan un escenario semellante: Coinciden en prognosticar o sorpasso de Unidos Podemos ao PSOE (tanto en votos coma en escanos) e en prever un pequeno ascenso do PP que, con todo, sumaría un máximo de 167 deputados con Ciudadanos, insuficiente para investir un presidente. A estimación para Unidos Podemos e PSOE oscila entre os 160 e 175 escanos, roldando nos estudos de Metroscopia e Sondaxe mesmo a maioría absoluta, aínda que con resultados máis baixos noutras enquisas, coma as de Netquest, Gad3 ou Sigma Dos. De feito, Netquest é a única empresa que sitúa a suma PP+C'S por diante en escanos da suma UP+PSOE
Os traballos publicados apenas ofrecen estimacións segmentadas por comunidades. Tan só as enquisas que este domingo presentan La Voz de Galicia (Sondaxe) e La Región/Atlántico (Infortécnica) ofrecen datos para Galicia. Habería poucas variacións: Sondaxe prevé que En Marea chegue a 7 escanos, subindo un en Pontevedra a custa do PSOE; de igual xeito, o PP podría obter un deputado máis pola Coruña, en prexuízo de Ciudadanos, que perdería o seu único representante. Segundo o estudo de Infortécnica, non habería cambios no reparto de escanos con respecto ao 20D.
| PP | UP | PSOE | C's | |
|---|---|---|---|---|
| Sondaxe (La Voz de Galicia) | 29.2% | 121 | 26.1% | 90 | 21.4% | 85 | 12.9% | 34 |
| Gad3 (ABC) | 30,3%| 121-124 | 24,6% | 84-85 | 21,4% | 80-83 | 14,4% | 38-40 |
| Netquest (El Español) | 30,4% | 125 | 24% | 85 | 20,4% | 75 | 15,2% | 42 |
| Sigma Dos (El Mundo) | 30,5% | 124-129 | 24,8% 86-92 | 20% | 73-78 | 14,1% | 35-40 |
| Metroscopia (El País) | 29% | 114 | 26% | 93 | 20,5% | 82 | 14,5% | 39 |
| Gesop (El Periódico) | 28,3% | 114-118 | 24,2% | 84-88 | 21,2% | 80-84 | 15,6% | 40-44 |
| Redondo (Tiempo) | 29,2% | 122 | 24,6% | 86 | 21,1% | 80 | 15,3% | 38 |
| Celeste-Tel (El Diario) | 30% | 123-128 | 24,8% | 82-87 | 21,5% | 83-86 | 13,2% | 32-34 |
| Advice Strategic (Europa Press) | 29,6% | 25,1% | 20,5% | 14,8% |
| Invymark (Sexta) | 29,8% | 25,3% | 20,4% | 14,1% |
| MyWord (SER) | 28,9% | 118-123 | 24,8% | 87-90 | 20,4% | 75-80 | 14,4% | 38-39 |
| Resultado 20D | 28,7% 123 | 24,4% 71 | 22% 90 | 13,9% 40 |
A enquisa publicada por La Voz de Galicia prevé un crecemento do PP na Coruña, Lugo e Ourense, aproveitando os descensos de Ciudadanos nestas tres provincias. De igual xeito, prognostica un aumento de En Marea en todas as circunscricións agás A Coruña, así coma perdas xeneralizadas do PSdeG-PSOE. Segundo as porcentaxes ofrecidas por Sondaxe, o derradeiro escano da Coruña estaría aínda en disputa entre PP (3-4) e En Marea (2-3). O mesmo que o de Pontevedra, moi axustado entre En Marea (2-3), Ciudadanos (0-1) e mesmo o PSdeG-PSOE (1-2).
| A Coruña | Lugo | Ourense | Pontevedra | Galicia | |
|---|---|---|---|---|---|
| PP | 4 (3) | 39.2% (35.5%) | 2 (2) | 45.1% (42.5%) | 2 (2) | 48.3% (44.9%) | 3 (3) | 34.5% (34.5%) | 11 (10) | 39.3% (37.1%) |
| En Marea | 2 (2) | 26.1% (26.4%) | 1 (1) | 21.5% (19.3%) | 1 (1) | 20.5% (17.8%) | 3 (2) | 31.7% (27.9%) | 7 (6) | 26.8% (25%) |
| PSdeG-PSOE | 2 (2) | 20% (20.4%) | 1 (1) | 22.6% (23.9%) | 1 (1) | 21.4% (23.2%) | 1 (2) | 18.1% (20.8%) | 5 (6) | 19.8% (21.3%) |
| Ciudadanos | 0 (1) | 8.11% (9.91%) | 0 (0) | 4.2% (7.6%) | 0 (0) | 5.1% (7.8%) | 0 (0) | 10.5% (9%) | 0 (1) | 8.1% (9,1%) |
| BNG | 0 (0) | 4.15% (4.55%) | 0 (0) | 3.4% (3.6%) | 0 (0) | 2.7% (3.3%) | 0 (0) | ?% (4.65%) | 0 (0) | 3.7% (4,3%) |
Enquisa de Sondaxe publicada por La Voz de Galicia. Entre parénteses os resultados do 20D
