0 Gardados para despois

Orde de busca e captura contra Puigdemont

Marcos PinheiroMarcos Pinheiro


eldiario.eseldiario.es | @eldiarioes


A xuíza da Audiencia Nacional Carmen Lamela pide a detención inmediata del e do resto do seu Govern que está en Bruxelas por rebelión, sedición, malversación de fondos, prevaricación e desobediencia

A xuíza da Audiencia Nacional Carmen Lamela cursou xa unha Orde Europea de Detención (OED) e outra nacional e internacional contra o president cesado da Generalitat, Carles Puigdemont. Lamela tamén decreta, á vez, a súa entrada en prisión incondicional por liderar "a mobilización dos sectores independentistas" e promover a utilización de "a forza intimidatoria e violenta".

A xuíza tamén pide a detención e entrada en prisión dos consellers que se atopan con el en Bruxelas e non acudiron á súa citación: Clara Ponsatí, Antoni Comín, Lluís Puig e Meritxell Serret. A todos considéraos fuxidos, por refuxiarse nun Estado membro da UE para non estar a disposición dos tribunais españois.

A xuíza ditou dous autos por cada fuxido. Nun, cúrsase a orde de detención europea e dáse traslado á Fiscalía Federal de Bélxica. Esa Orde Europea de Detención inseriuse tamén no programa SIRENE da policía. No segundo cúrsase unha orde nacional e internacional de busca e captura internacional para asegurar a detención de Puigdemont e os catro consellers estean onde estean.

A previsión de declarar por videoconferencia non se aplica para "quen residindo e tendo o seu arraigamento en España, fuxe e refúxiase nun Estado membro para non estar a disposición dos Tribunais do seu Estado"

Os autos piden a súa detención por un total de cinco delitos: rebelión, sedición, malversación de fondos, prevaricación e desobediencia. Lamela ademais rexeita a petición formulada por Puigdemont e outros ex-consellers de prestar declaración por videoconferencia. Segundo explica a maxistrada nas súas resolucións, non concorren ningún dos casos para autorizar esta medida, como a residencia fóra de España. É máis, a xuíza repróchalles que botasen man desta posibilidade cando os investigados tentaron eludir á xustiza. A previsión de declarar por videoconferencia non se aplica para "quen residindo e tendo o seu arraigamento en España, fuxe e refúxiase nun Estado membro para non estar a disposición dos Tribunais do seu Estado".

Nos escritos, Lamela esgrime as mesmas acusacións polas que este xoves enviou a prisión incondicional a Oriol Junqueras e outros sete ex-consellers. Puigdemont e o resto do Govern "promoveron e utilizaron a forza intimidatoria e violenta dos sectores independentistas da poboación, chamando á insurrección, contravindo e desafiando con iso o ordenamento constitucional español".

Puigdemont "liderou a mobilización independentista"

"O reclamado impediu a aplicación das leis españolas, e desde logo a lei suprema que é a Constitución, impedindo ao tempo, o cumprimento das resolucións xudiciais", di a xuíza

No auto do ex-presidente da Generalitat, a xuíza apunta que "os feitos imputados ao reclamado, están referidos á proclamación de Cataluña como un estado independente en forma de república". "O reclamado impediu a aplicación das leis españolas, e desde logo a lei suprema que é a Constitución, impedindo ao tempo, o cumprimento das resolucións xudiciais", engade.

No camiño á independencia, Puigdemont "liderou a mobilización dos sectores independentistas da poboación para actuar en apoio do referendo ilegal". É máis, o xa deposto president "promoveu actos, manifestacións e proclamas abonando na sociedade a idea da existencia dun dereito de autodeterminación de Cataluña".

Se Puigdemont e os seus consellers aceptasen a súa entrega, esta faríase sen máis complicacións, pero se non fose así, a decisión correspondería á Cámara do Consello de Bruxelas, que disporía de quince días para decidir

Os fiscais Miguel Ángel Carballo e Pedro Rubira solicitaran a orde porque, argumentan, os consellers que están en Bruxelas non compareceron a pesar de que "é un feito notorio e publicamente coñecido" a súa citación. "Constan reiterados intentos de entregar a citación no seu domicilio así como reiteradas chamadas telefónicas ás que se fixo caso omiso", engade.

Se Puigdemont e os seus consellers aceptasen a súa entrega a España, esta faríase sen máis complicacións, pero se non fose así, a decisión correspondería á Cámara do Consello de Bruxelas, que disporía dun prazo de quince días para decidir.

Concentracións en Galicia

Por outra parte, as sucesivas decisións xudiciais contra os membros do último Govern da Generalitat movilizaron a última hora da tarde deste venres diversas concentracións en toda Galicia impulsadas pola plataforma Galiza con Catalunya.

Concentración en Santiago (Foto: @bngcompostela)

Concentración en Vigo (Foto:@bngvigo)

Concentración na Coruña (Foto:@BNG_comarcaAC)

Concentración en Ferrol (Foto:@bngferrol)

Concentración en Ourense (Foto:@GzNovaOurense)

Concentracións de Galiza con Catalunya o 3 de novembro

Coa túa achega fas posible que sigamos publicando novas coma esta.