A taxa comezou a aplicarse o 29 de setembro. Estímase que a recadación final superará o medio millón de euros nos tres últimos meses do ano, un período no que o número de visitantes aumentou un 14%. A alcaldesa, Inés Rey, destaca a importancia destes cartos para a mellora dos servizos públicos e da calidade do sector turístico.
O pasado ano chegaron 1,89 millóns de visitantes dende fóra do Estado español, un 3,1% por riba do anterior máximo. Porén, o gasto medio por turista e día pasou de 165 a 150 euros. Galicia roldará a cifra total do nove millóns de turistas no ano 2025, fronte aos 8,2 millóns de 2024, segundo as estimacións da Xunta
A lei galega que permite "campamentos turísticos" en solo rústico está sendo aproveitada para construcións que pouco teñen que ver cos tradicionais cámpings, sector que discrepa deste novo modelo
A sanción de case 65 millóns de euros revelou que a plataforma tiña publicados case 7.000 anuncios ilegais de vivendas turísticas no país, dun total de máis de 65.000 que detectou no Estado.
En outubro de 2013 a Xunta celebrou a chegada do peregrino 200.000 daquel ano. Esta semana o Goberno recibiu ao número 500.000 no que vai de 2025 entre un entusiasmo que nos últimos anos achou receos na Igrexa ou entidades do Camiño por unha masificación que mesmo reflectiu o Plan Estratéxico do Xacobeo. En 2026 o Goberno galego achegará á Axencia de Turismo un 8% máis de fondos propios, pero o seu orzamento total caerá un 14% pola redución de fondos europeos de recuperación
Os presidentes das autoridades portuarias coruñesa e viguesa, elixidos pola Xunta, piden á vez que o Goberno galego aproveite os Orzamentos de 2026 para cambiar a lei e só teñan que pagar o tributo turístico de 1,5 euros por pasaxeiro os cruceiros que fagan noite nas cidades. Ambos portos esgrimen que a taxa turística vai en sentido contrario da súa "política tarifaria", coa que descontan o 40% das taxas portuarias ás navieiras para "incentivar a chegada de cruceiros", turismo que está a bater récords no noso país
O Tribunal Superior rexeita a suspensión cautelar da entrada en vigor do novo tributo, que o Concello compostelán aplica dende este 1 de outubro. "Non se evidencia que sexa de superior rango o interese" da patronal hoteleira que o "interese público inherente aos investimentos e gastos" que serán financiados co recadado, argumenta o auto. A taxa turística coruñesa, en vigor dende o 29 de setembro, tamén afronta recursos do sector
O Consello de Contas salienta que non valora a decisión política sobre o modelo de albergues públicos senón "a eficacia e eficiencia na xestión da sociedade Xacobeo", que ve moi mellorable
O Consello de Contas revela que o albergue público de Sandiás supón 942 euros por estancia e recomenda ao Goberno galego "reducir o custo de prestación do servizo" nunha rede que está a perder usuarios en favor de aloxamentos privados
No conxunto de Galicia o número de noites contratadas en vivendas de uso turístico e outros aloxamentos non hoteleiros pasou de 1,41 millóns en 2023 a 1,68 millóns en 2024. Vigo, cun aumento de máis do 30% no último ano, supera amplamente os datos de Santiago e A Coruña.
Os plenos de ambas cidades aproban as ordenanzas para poder cobrar o tributo que a Xunta accedeu a permitir tras anos de resistencia e que está limitado pola lei galega tanto nos importes, de 1 a 2,5 euros, como nas exencións ou no destino do recadado. A taxa coruñesa comezará a aplicarse o 1 de setembro e a compostelá, o 1 de outubro. En ambos casos nace sen o apoio do PP, que votou "non" no pleno herculino e se abstivo no santiagués