0 Gardados para despois

A tesoirada social

Os recortes nos fondos dedicados aos servizos sociais básicos están degradando estas prestacións, fundamentais para a redistribución da riqueza, a igualdade e equidade e o benestar das persoas. As queixas ao Valedor polos servizos sociais aumentaron un 141% no 2011 e o Índice de Desenvolvemento dos Servizos Sociais amosa igualmente que en Galicia as prestacións sociais están por baixo da media do Estado. Isto sucede mentres o Goberno central carga unha importante parte das súas políticas antidéficit na sanidade e na educación, ás que prevé retirarlle 10.000 millóns e onde pon en marcha un novo copagamento farmacéutico e máis taxas universitarias.

Reunión da Xunta de Portavoces

Inédita unidade de PSdeG e BNG no Parlamento para esixir que Feijóo explique os recortes

O PP bloquea a petición conxunta de comparecencia de socialistas e nacionalistas, que lembran que teñen "5.000 votos máis" que os conservadores. O líder socialista asegura que "son momentos de traballar unidos" e a voceira do BNG, Ana Pontón, censura que o presidente "viva fóra da realidade". Os conservadores evitan pecharlle a porta á fin das autovías libres de peaxe.

Feijóo responde ás preguntas de PSdeG e BNG sobre sanidade

Feijóo aférrase á Constitución para non vetar o copagamento farmacéutico

O presidente da Xunta asegura que "non é certo que os pensionistas vaian pagar os medicamentos". O BNG lamenta a súa "frivolidade" e o PSdeG proponlle unha lei que "blinde" a sanidade e a educación públicas. SOS Sanidade Pública lembra que a Xunta pode devolverlles ás persoas xubiladas o 10% das menciñas que o Estado as obriga a pagar.