Nacín en Lugo en 1980, pero a miña traxectoria vital estivo sempre vinculada á Mariña. Agora son profesora de Estudos de Tradución na Aston University, en Birmingham. O activismo pola causa feminista e dos estudos galegos tenme exercendo cargos directivos no Observatorio da Mariña pola Igualdade e na Asociación Internacional de Estudos Galegos. Logo de licenciarme en Xornalismo (USC) e en Tradución (Uvigo), doutoreime pola Universidade de Vigo cunha tese sobre as intervencións feministas na tradutoloxía galega, coa que obtiven mención europea e premio extraordinario de doutoramento. Logo tiven que emigrar.
