O BOE publica as candidaturas que concorren ao 9X nun ambiente electoral practicamente nulo malia á relevancia dos comicios europeos. Casares, Millán Mon e Miranda repiten como referentes de PSdeG, PP e BNG
"Quen di promover o uso da lingua e se opón a que sexa oficial no Congreso ou no Parlamento Europeo carece de credibilidade; iso foi o que fixo o PP de Rueda e Feijóo", reprocha Besteiro. González Casares admite o "complexo" camiño para a oficialidade do galego na UE, por iso ve "básico que dende o noso país se traslade ás institucións europeas o pulo e o interese de que o sexa"
En menos dun mes, o 9 de xuño, a cidadanía galega está chamada de novo a votar. Desta vez para as eleccións ao Parlamento Europeo, ás que o BNG di acudir “sen teito” co obxectivo de darlle a Galicia un escano propio, logo dos resultados históricos acadados pola forza nacionalista en febreiro.
O debate público en torno ás europeas do 9X está en mínimos absolutos mentres o PP Europeo se abre a través de Von der Leyen a pactos coa extrema dereita que mudarian as alianzas que rexen a política continental dende hai décadas. En Galicia, cando menos de momento, a cuestión segue pasando amplamente desapercibida mentres o PP volve sinalar como referente a Millán Mon. Cabe agardar que tanto o socialista Casares como a nacionalista Miranda si poñan máis o foco no risco dun eventual pacto do PP cos ultras
Besteiro aplaude que o PSdeG vaia "seguir contando cun extraordinario eurodeputado", en cuxo labor na lexislatura que remata destacan fitos como ser o relator da Eurocámara na reforma do mercado eléctrico. Lorena Guerra e Elba Veleiro son os outros nomes galegos na lista europea do PSOE, que encabeza Teresa Ribera
"O escano do BNG foi do pobo galego e así seguirá sendo", di Pontón, que ve no traballo de Miranda o "mellor aval" da formación nos comicios do 9 de xuño. Bieito Lobeira, número dous dunha candidatura que incorpora nomes como a profesora Mar Pérez Fra ou o mariñeiro e divulgador Rogelio Santos Queiruga
O BNG ocupará o terceiro lugar dentro da candidatura fronte ao quinto posto que lle correspondeu nas pasadas eleccións ao Parlamento Europeo
Nas oito citas celebradas dende 1987, a participación foi tradicionalmente baixa, especialmente no ano 2014, cando só votou o 38,7% do censo. Os populares foron a forza máis votada en Galicia en todas as convocatorias, agás na última, na que se impuxo o PSdeG. O BNG acadou o seu máximo en 1999, co 22% obtido por Camilo Nogueira.
O 9 de xuño elíxense en España 61 dos 705 escanos da Eurocámara, entre os que actualmente hai tres galegos