O blog As MIR e unha noites recolle a experiencia dunha muller residente en Vigo á que unha farmacia da cidade se negou a dispensarlle un anticonceptivo, na liña doutras boticas que alegan obxección de conciencia para incorrer en actitudes semellantes.
A USC inaugurou oficialmente o curso este venres sen a presenza de ningún membro do Goberno da Xunta. O reitor compostelán, Juan Viaño, sitúa "a situación económica, a internacionalización e o cambio da organización docente e investigación" como prioridades do novo período.
A catedrática de Enxeñaría de Telecomunicacións Carmen García Mateo recibirá o premio María Josefa Wonenburger deste ano. Decidiuno este venres o plenario da Unidade de Muller e Ciencia da Xunta.
Cospedal propón unha "gran coalición" de PP, PSC, UPyD, C's e Unió contra o soberanismo en Cataluña. Os populares chaman á unión dos partidos "que defenden aos que se senten cataláns e españois".
Deputados do PP ignoran o que deben votar na Comisión de Educación do Parlamento de Galicia, cuxo presidente, Antonio Mouriño, iniciou a votación dúas veces pola ausencia do voceiro dos conservadores. Obsérvase nun vídeo difundido polo BNG.
En plena polémica dos followers falsos Rajoy di en Twitter que lle dá "a benvida" a "xente real" e non a bots. Engade, ademais, que o aumento exponencial de seguidores se debe a unha "estraña campaña"
A suma de contas fake en Twitter permitiulle a Rajoy ter máis seguidores que o resto de líderes estatais en apenas unha semana, tal e como constata Tuitocracia
A espectacular suba de seguidores de Mariano Rajoy en Twitter en poucos días provoca a hilaridade das redes sociais ao comprobarse que boa parte deles son contas fake, que se adquiren mediante compra. Rajoy gañou uns 100.000 followers en apenas unha semana e moitos deles son contas escritas en árabe. O voceiro de FACUA explícao no seu blog en Público.es
O número inscritos para a manifestación da Diada, a un paso de superar os da Via Catalana do ano pasado. Xa hai máis de 400.000 e agárdase outra manifestación multitudinaria.
A Fiscalía avala que o TSXG investigue a peza do caso Pokémon vinculada a Paula Prado, ex voceira do PP e deputada autonómica. Recólleo Faro de Vigo