Manuel Martínez gaña a votación do PSdeG no partido xudicial de Lugo cara á elección do presidente da Deputación. O alcalde de Becerreá logrou 59 votos e o secretario xeral provincial, Juan Carlos González Santín, 31.
Fálase
-
A bióloga Aida Fernández Ríos, profesora no Instituto de Investigacións Mariñas do CSIC en Vigo, ingresa esta tarde na Real Academia Galega de Ciencias. O seu discurso de ingreso leva por título “Acidificación do mar: unha consecuencia das emisións de CO2”
El País revela conversas telefónicas dos presuntos asasinos de Jimmy. Recoñecen a súa participación na malleira pero o fiscal deixounos en liberdade onte por falta de probas.
Convergència confirma a ruptura con Unió e asegura que irán por separado ás eleccións. "Acabamos esta colaboración política e queremos unha separación amigable", din os converxentes.
Galicia viviu unha primavera cálida e seca, destaca o informe presentado este xoves pola Axencia Estatal de Meteoroloxía. As temperaturas medias foron case dous graos superiores á media no interior de Galicia e as precipitacións caeron case á metade do habitual, sobre todo na costa norte e nas comarcas centrais da comunidade.
Mariano Rajoy anunciará este xoves, previsiblemente, os cambios no PP e no Goberno motivados polos malos resultados obtidos nas eleccións municipais e autonómicas. A partir das cinco da tarde celebrarase o Comité Executivo Nacional da formación.
A vicepresidenta Joana Ortega e os consellers Ramon Espadaler e Josep Maria Pelegrí, todos de Unió, deixan o Goberno catalán. UDC e CDC intercambian reproches sobre a responsabilidade da escisión.
Compromiso por Galicia retíralle as siglas a Ricardo Sánchez, elixido alcalde de Miño cos votos do PP, e esíxelle que dimita. O PSdeG-PSOE convoca unha concentración de repulsa
Grazas a todos e a todas as que onte participastes no encontro Da praza ao concello, das mareas aos feitos cos alcaldes da Coruña, Compostela e Ferrol. Podedes volver ver o video do debate neste enlace.
O Concello da Coruña informa que o anterior goberno gastou ata xuño un 26% máis sen que subisen os ingresos e que o saldo pendente de pago creceu un 172%. As cifras, di o executiva da Marea Atlántica, confirman a "pésima xestión" que deixa o Concello "nunha delicada situación económica e con graves problemas de liquidez".