Fálase

Falece o escritor e teólogo Xosé Chao Rego aos 83 anos de idade. Máis información, hoxe en Praza. 

A Coruña recibe a alcaldes e representantes de concellos de todo o Estado no Encontro Municipalista. "Temos un obxectivo común e novas formas de entender a política", di Xulio Ferreiro, rexedor coruñés na recepción oficial en María Pita. 

A capela ardente de Neira Vilas abriu de novo esta mañá no Panteón de Galegos Ilustres, en Bonaval. Permanecerá aberta ata as 16.30 horas e o enterro terá lugar no seu Gres natal ás 17.30. Ás 12 horas, Luis Reimóndez, en nome da familia e da Fundación Neira Vilas, e Xesús Alonso Montero, presidente da RAG, dedicaranlle unhas palabras de homenaxe.

A rúa General Mola tomará o nome do ilustrador Álvaro Cebreiro na Coruña deste o martes. O Concello continuará coa eliminación do rueiro franquista tras o primeiro acto simbólico e a denominación da rúa Juan Canalejo será substituída pola do Socorro. 

Arturo Dopico deixa R tras 17 anos á fronte logo de pecharse a compra por parte de Euskaltel. Xunto ao conselleiro delegado marcha tamén Francisco Rodeiro, o director de planificación estratéxica e desenvolvemento de negocio.

Detidos tres xihadistas que captaban terroristas en Barcelona. Empregaban as redes sociais para convencer persoas para que se unisen ao Daesh en Siria. 

Concelleiros das "cidades rebeldes" desenvolven varias mesas de traballo hoxe na Coruña antes do encontro que mañá celebrarán os seus alcaldes en Compostela e na urbe coruñesa. 

Falece Xosé Neira Vilas aos 87 anos. Máis información, hoxe en Praza. 

Baltar comeza o pleno da Deputación de Ourense sen a oposición, ausente tras o bloqueo de acceso a parte do público que quería asistir á sesión. Toda a información, hoxe en Praza.

A Audiencia Nacional arquiva o caso Couso pero podería reabrilo se os militares procesados pisan territorio español. Rexeita unha cuestión de inconstitucionalidade porque o Supremo xa avalou a reforma da xustiza universal.