A portavoz nacional do BNG, Ana Pontón, e mais a deputada da formación, Ana Miranda, visitan arestora no cárcere de Lledoners ao líder de ERC, Oriol Junqueras.
Fálase
-
Donald Trump proclama que varios estados dos EUA vanse "converter en Venezuela" se os Republicanos non vencen nas eleccións lexislativas de mañá, nas que tamén se elixen gobernadores. O presidente estadounidense afirmouno, por exemplo, sobre Florida ou Georgia, entre outros. Esa advertencia tamén fora lanzada polo PP en diversos concellos galegos nas municipais de 2015.
As inscricións nas oficinas de emprego subiron en 3.424 en Galicia durante o mes de outubro, ata as 169.744. Son 16.159 menos no paro rexistrado que hai un ano. No mesmo mes as afiliacións medias á Seguridade Social caeron en 690, pero son 23.294 máis que doce meses antes, polo que a cifra total queda en 1,01 millóns de persoas. Máis información, hoxe en Praza.gal
Atasco quilométrico na AP-9 ao seu paso por Santiago, onde a Audasa está a desenvolver as obras de enlace co Gaiás na zona onde hai escasos meses remataran as obras de ampliación de carrís. A causa do engarrafamento esta mañá é un accidente, segundo informa a Radio Galega (Imaxe: DGT)
O PSOE sería a forza máis votada en eleccións xerais e podería volver tentar gobernar con Unidos Podemos, que perdería apoios, e mais forzas soberanistas vascas e catalás, segundo unha enquisa que publica El Periódico de Catalunya.
Comeza na Cidade da Cultura o Campionato Mundial de Xadrez en categoría cadete, con 851 xogadoras e xogadores de 85 países. Estenderase ata o 16 de novembro e nel participan 69 galegos.
Tensión nas rúas de Alsasua cun acto convocado por Ciudadanos con participación do PP e Vox.
Castelao volve á vida (dixital) nun tráiler da exposición sobre o Alba de Gloria que o Consello da Cultura Galega organiza do 7 de novembro ao 3 de febreiro no Panteón de Galegos Ilustres.
O Ensino Lugo gaña na casa 83 - 65 ao Universitario de Ferrol no derbi galego na máxima categoría do baloncesto feminino. A local Atonye Nyingifa, con 23 puntos e 30 de valoración, foi a xogadora máis destacada.
A partir deste sábado as mulleres europeas traballan gratis o que queda de ano. Así se reflicte no calendario a diferenza salarial entre homes e mulleres na Unión Europea, que en Galicia saíu case intacta da crise e que foi un máis dos motivos que o pasado 8 de marzo desencadeou a folga feminista.
