A UCI quítalle os sete Tours a Armstrong, a quen sanciona de por vida polas súas prácticas de dopaxe.
Fálase
Propoñen un tratado de paz entre os seguidores de Apple e de Samsung no que se aposta porque a competencia é positiva para todos
Rabat, unha road movie que conta unha viaxe en taxi de Amsterdam á capital marroqui, foi a gañadora do festival de cinema euroárabe Amal. Ao redor de sete mil persoas pasaron polo evento compostelán.
A UE eleva ao 9,4% o déficit de España en 2011 polas axudas á banca e as facturas impagadas. Revisa á alza o dato inicial, que era do 8,5%, tras contabilizar as axudas a Novagalicia Banco, Catalunya Caixa e Unnim.
As portadas da prensa impresa salientan que a vitoria de Feijoo lle dá "alento" a Rajoy: "Feijoo salva a Rajoy" (El Mundo), "Aval absoluto a Rajoy" (La Razón), "Galicia rescata a Rajoy" (La Vanguardia) ou "Aire para Rajoy" (El Periódico).
Isaac Rosa analiza en Entre el miedo y la rabia os resultados electorais de Galicia e Euskadi: "En tempo de crise o voto está dominado polo medo ou pola rabia; o medo do que busca algo firme en medio da tormenta; e a rabia do que sopra máis forte para que o vendaval termine de levalo todo".
Rajoy recortará nas administracións locais despois da vitoria do PP en Galicia, segundo El Economista. O Goberno comezará pola supresión das mancomunidades.
Xoán Bascuas afirmou que estas eleccións lle serviron a CxG para "darse a coñecer" e di que Compromiso obtivo "bos resultados" naqueles lugares nos que a formacions está asentada.
Xosé Manuel Beiras compareceu en Teo para afirmar que "agora si que a derrota definitiva do PP aquí e no Estado comeza a ser segura" e definiu a AGE como "esa vangarda". Concluiu que "imos ser os espartanos no Parlamento galego para loitar contra a crise". E repite que os deputados de Anova e EU actuarán conxuntamente no Parlamento en base ao programa electoral acordado entre eles.
Comparece Jorquera. Felicita o PP pola súa vitoria e culpa do descenso do BNG á crise interna sufrida e a unha estratexia popular de "retroalimentar" a AGE: "mirade que os mellores resultados de Beiras sempre coincidiron cos mellores resultados do PP". Alerta de que Galicia está a sufrir un proceso de "desgaleguización" e afirma que contra ese proceso "o BNG é imprescindibel". De cara ao futuro indica que "tan importante será o traballo no Parlamento coma na rúa".